text size
Нафтата се движи кон својот најголем неделен пораст од почетокот на октомври поради знаците за намалување на понудата и изгледите за подобрување на кинеската побарувачка и покрај притисокот за зголемување на каматните стапки.
Додека ВТИ утрово падна под 76 долари за барел, терминските цени пораснаа за околу седум проценти во текот на неделава.
Конкретно, ВТИ за испорака во јануари утрово падна за 0,4 проценти и се тргува по цена од 75,81 долари, а исто толку загуби и нафтата брент за испорака во февруари и сега барел чини 80,90 долари.
Постојат знаци дека руските текови во Азија опаѓаат поради определените максимални цени, а Меѓународната агенција за енергетика неделава рече дека цените на нафтата би можеле да пораснат следната година, бидејќи санкциите ја намалуваат испораката.
Кинеското брзо укинување на политиката на нулта ковид поттикна оптимизам во врска со долгорочните прогнози за побарувачката, иако краткорочните изгледи се неизвесни, бидејќи бројот на случаи на вирусот расте. Потрошувачката, според Мајк Милер, директор на групацијата „Витол“ (Vitol) за Азија, би можела да заздрави веќе во второто тримесечје следната година.
Bloomberg Mercury
„Недоволната понуда имаше предност над загрижувачката побарувачка. Освен тоа, слабоста на американскиот долар придонесе за заздравување на цената“, рече Равиндра Рао, раководител за истражувања на стоки во „Котак секјуритис“ (Kotak Securities Ltd) во Мумбаи.
Показателот на „Блумберг“ за вредноста на американскиот долар е под својот просек во последните 200 дена и е понизок за овој период од годината, правејќи ги на тој начин производите изразени во долари поевтини за странските купувачи.
Нафтата ќе ја заврши годината со незначаен раст по нестабилниот период на тргување што го влоши постојаниот недостиг од ликвидност. Пазарот уште се соочува со ветришта, а Европската централна банка ги повторува потезите од САД за дополнително зголемување на каматите, што предизвикува загриженост поради забавувањето на економијата.
.webp){kind=icon}
