Нафтата флуктуираше додека инвеститорите ги проценуваат последиците од руската забрана за извоз за купувачите кои се придржуваат до ограничувањето на цената на Г-7.
ВТИ во вторникот се тргуваше на ниво близу 79 долари за барел со малку промени. Според декретот, ограничувањата на Москва ќе започнат од 1 февруари и ќе траат најмалку до јули 2023 година. Насоките избегнуваат екстремни мерки, како што е наметнување минимална цена или забрана на одредени земји да купуваат, за кои пазарот стравуваше дека сериозно ќе ја нарушат трговијата.
Утрово вредноста на ВТИ падна за 0,2 проценти, на 79,36 долари за барел, а брент нафтата загуби 0,4 отсто од својата вредност и сега барел се тргува по цена од 83,96 долари.
Движење на цената на ВТИ и брент нафтата / Bloomberg Mercury
Суровата нафта се движи кон скромно зголемување во 2022 година по нестабилна година во која цените се зголемија по руската инвазија на Украина, а потоа постепено се повлекуваа како што растеа стравувањата од глобално забавување. Во поново време, брзото олабавување на Кина од нејзината строга нулта ковид политика и предизвиканиот силен бран на вирусот го погодија пазарот кој е склон кон остри промени поради недостиг од ликвидност.
Кина се подготвува да издаде нови пасоши и дозволи за Хонгконг, отворајќи ги вратите за затворената побарувачка за патувања. По најавата дека патниците нема да бидат предмет на карантин од 8 јануари, појдовните резервации од континентална Кина се зголемија.
„Нафтата се тргува врз основа на поголемата приказна за Кина, која ги олеснува ограничувањата за ковид и предвидува порастот на патувањата и покрај тековниот бран“, рече Вишну Варатан, шеф за економија и стратегија во „Мизухо“ (Mizuho Bank Ltd). Рускиот одговор на ограничувањето на цената беше во голема мера предвидено од пазарот, додаде тој.
Во САД, рафинериите на брегот на Тексашкиот Залив, вклучително и двете најголеми во земјата, почнаа да го зголемуваат производството откако ниските температури ги принудија да запрат минатата недела.
.webp){kind=icon}
