.webp){kind=icon}
Нафтата ќе ја заврши нестабилната година со скромен раст бидејќи инвеститорите очекуваат враќање на кинеската побарувачка во нормала во следната година и се подготвуваат за можноста дека помалку руска сурова нафта ќе стигне до купувачите.
Во последната сесија на тргување за оваа година ВТИ за испорака во февруари порасна за 0,4 проценти, на 78,74 долари за барел, а за исто толку порасна и брент нафтата и сега барел се тргува по цена од 83,82 долари.
Фјучерсите на ВТИ се зголемија за речиси 5 проценти во текот на годината. Кина моментално се справува со зголемените случаи на вируси и се продлабочуваат стравувањата за нова глобална епидемија, но постои оптимизам дека побарувачката на крајот ќе се врати во најголемиот увозник на сурова нафта во светот.
Трговците, исто така, ја следат понатамошната реакција од Русија во врска со санкциите за нејзиниот извоз на енергија по војната во Украина. Забраната за извоз на рафинираните нафтени производи на производителите од ОПЕК + ќе стапи на сила на почетокот од следната година.
Bloomberg Mercury
„Краткорочно, има загриженост за побарувачката и понудата, од кои и двете веројатно нема да исчезнат наскоро и може да доведат до повеќе промени на цените“, рече Равиндра Рао, раководител за истражување на стоки во „Котак“ (Kotak Securities Ltd) во Мумбаи. Тој смета дека штом случаите на Ковид во Кина ќе почнат да опаѓаат, побарувачката ќе се зголеми.
Суровата нафта поскапе на почетокот од оваа година, откако руската инвазија ги попречи енергетските текови пред да се повлече од зголемената загриженост поради глобалното економско забавување. Неколку големи централни банки ја заострија монетарната политика за да ја скротат инфлацијата, што исто влијаеше врз побарувачката за нафта во 2022 година.
„ТЦ Енерџи“ (TC Energy Corp) го рестартираше пукнатиот сегмент од својот нафтовод „Кистоун“ (Keystone) по излевањето поради што нафтоводот принудно беше затворен повеќе од три недели. Во меѓувреме, комерцијалните залихи на сурова нафта во САД се зголемија за 718.000 барели минатата недела, според податоците на Управата за енергетски информации.
