text size
Нафтата расте во првата годинешна недела, додека трговците ги анализираат мешаните сигнали за побарувачката од Кина, најголемиот светски увозник на нафта.
ВТИ се искачува кон 81 долар за барел откако минатата недела го заокружи скромниот годишен раст. Во Кина некои од показателите за мобилноста во клучните урбани подрачја пораснаа, што е знак дека бранот на инфекции од ковид можеби го достигна врвот. Тоа следува по објавата на официјалните податоци што покажуваат дека економијата ја заврши годината со голем пад, а претседателот Си Џинпинг рече дека остануваат тешките предизвици.
Движење на вредноста на ВТИ-фјучерсите / Bloomberg Mercury
Утрово ВТИ за испорака во февруари се тргува за 0,3 проценти повисоко и чини 80,49 долари, додека нафтата брент за испорака во март доби 0,2 отсто на својата вредност и барел изнесува 86,07 долари.
Нафтата претрпе голема нестабилност во 2022 година, откако руската инвазија врз Украина направи пресврт во трговските текови на стоките, а главните централни банки, вклучувајќи ги и ФЕД, агресивно ги подигнаа каматните стапки. Како што почнува 2023 година, така инвеститорите ја следат реакцијата на Русија во однос на санкциите во врска со нејзиниот извоз на енергенти, можноста Организацијата на земји извознички на нафта и нивните сојузници повторно да ја намалат испораката, како и последиците во Кина поради нејзиното брзо ослободување од политиката на нулта ковид.
Трговецот со хеџ-фондови Пјер Андуранд беше меѓу тие што предвидуваа скок на побарувачката за нафта ако светот во целост излезе од ковид-ограничувањата. „Побарувачката заостануваше зад долгорочните трендови и можеше да порасне за три-четири милиони барели дневно во 2023 година“, смета Андуранд.
.webp){kind=icon}
