.webp){kind=icon}
Нафтата се стабилизира бидејќи инвеститорите ги проценуваат изгледите за зголемување на побарувачката по повторното отворање на Кина, вредноста на американскиот долар се намали, а ризиците за руските енергетски резерви дојдоа во поостар фокус со новите ограничувања.
Утрово ВТИ за испорака во март загуби шест центи од вредноста и барел се тргува по цена од 81,58 долар, додека нафтата брент исто така за испорака во март загуби 0,1 процент и барел чини 87,55 долари.
ВТИ се задржа над 81 долар за барел по двете неделни добивки, што ја доведе американската референтна вредност до највисокото затворање од средината на ноември. Додека послабата американска валута ги поттикнува цените на суровата нафта, утрово обемот на тргување во азискиот регион беше задржан, главно поради државните празници за одбележување на лунарната Нова година на многу клучни пазари, вклучувајќи ги Кина и Сингапур.
Движење на цената на нафтата брент и ВТИ / Bloomberg Mercury
Отстранувањето на политиката за нулта ковид од страна на Кина ги засили очекувањата дека потрошувачката во најголемиот увозник во светот ќе се зголеми. По пресвртот, многу Кинези отпатуваа назад во своите родни места за лунарниот фестивал оваа година, а индустриската активност се очекува да се засили кога ќе се вратат работниците.
Нафтата го отфрли слабиот почеток на новата година и се придвижи повисоко паралелно со подобрувањата на условите во Кина. Дополнителна поддршка за суровата нафта дојде од очекувањата дека Федералните резерви (ФЕД) се блиску до завршување на серијата агресивни зголемувања на каматните стапки, што ја ослабна американската валута. Трговците го разгледуваат и влијанието на дополнителните ограничувања на руските енергетски текови додека трае војната во Украина.
Американскиот министер за финансии Џенет Јелен викендов изрази уверување дека ограничувањата за руската продажба на сурова нафта може да се прошират на рафинираните нафтени деривати, истовремено признавајќи дека задачата ќе биде посложена. „Во исто време, Москва наскоро ќе објави декрет со детали за забраната на руските компании да им продаваат нафта на клиенти што се придржуваат до ограничувањата“, извести „Комерсант“.
СЛБ (SLB), последниот од најголемите даватели на услуги на нафтените полиња во Русија, предупреди минатата недела дека дупчењето и работите поврзани со Русија ќе опаднат оваа година, бидејќи нејзината меѓународна изолација се продлабочува. Во својата најнова прогноза, Меѓународната агенција за енергетика соопшти дека Русија ќе го намали производството за околу 1,6 милион барели дневно до крајот на овој квартал во споредба со нивоата пред инвазијата.
