Нафтата забележа делумно закрепнување по падот во средата бидејќи американскиот долар падна и трговците го одмеруваа потенцијалот за подобра побарувачка во Кина.
Утрово цената на ВТИ за испорака во март порасна за 1,1 отсто и сега барел нафта се тргува за 77,23 долари, додека нафтата брент за испорака во април се зголеми за 0,9 проценти и чини 83,60 долари за барел.
Движење на цената на ВТИ и нафтата брент / Bloomberg Mercury
ВТИ се искачи над 77 долари за барел, откако загуби 3,1 отсто во претходната сесија, по новото зголемување на резервите во САД. Падот дојде откако Федералните резерви ги зголемија каматните стапки, но исто така сигнализираа дека постигнале напредок во својата борба против инфлацијата. Американскиот долар падна на најниско ниво од април, што ги направи артиклите изразени во оваа валута поевтини за многу купувачи.
Вредноста на суровата нафта беше нарушена во неодамнешните сесии на тргување, бидејќи загриженоста за забавување на САД се надигра со оптимизам дека прекинот на политиката на нулта ковид во Кина повторно ќе ја разгори побарувачката во најголемиот светски увозник на сурова нафта. Во исто време, трговците одбројуваат до следната рунда санкции и ограничувања на цените што ќе ги воведат Европската Унија и Г7 на рускиот извоз среде војната во Украина.
„Цените наидуваат на поддршка од слабеењето на американскиот долар. Сепак, со сите надолни фактори, се чини дека е тешко нафтата да остане на повисоко ценовно ниво“, рече Равиндра Рао, раководител за истражување на стоки во „Котак“ (Kotak Securities Ltd) во Мумбаи, наведувајќи ги зголемените резерви, зголемувањето на каматните стапки и загриженоста за забавување. Во меѓувреме, одборот на ОПЕК+ препорача да се задржи производството на сурова нафта стабилно, додека пазарот чека јасност околу побарувачката во Кина и испораките од Русија. Групацијата ќе ги задржи постојните количества производството на нивоата поставени кон крајот на минатата година, кога ги скрати за два милиона барела дневно, со цел пазарите да се избалансираат.
.webp){kind=icon}
