text size
Цената на нафтата порасна втора сесија по ред откако Саудиска Арабија неочекувано ги зголеми цените на суровата нафта, сигнализирајќи доверба во изгледите за побарувачката.
ВТИ за испорака во март доби вчера еден отсто на вредноста, искачувајќи се на 74,88 долари за барел, додека нафтата брент за испорака во април доби 0,9 проценти и барел се тргува за 81,75 долар.
Фјучерсите на ВТИ се искачија на 75 долари за барел откако во понеделникот се затворија за еден отсто повисоко. Саудиската компанија „Арамко“ го зголеми поголемиот дел од своите цени за сурова нафта што ќе биде испорачана на нејзиниот главен пазар во Азија во март, во услови на растечки оптимизам за силното закрепнување на побарувачката во Кина по крајот на политиките за нулта ковид
Прекините во снабдувањето, исто така, додадоа ветер во грбот за цената на нафтата. Турција го запре протокот кон извозниот терминал Џејхан по големиот земјотрес, додека производството на норвешкото џиновско поле Јохан Свердруп беше помало поради прекин на електричната енергија.
Движење на цената на ВТИ и нафтата брент / Bloomberg Mercury
Нафтата претрпе немирен почеток на годината, поттикнат од оптимизмот околу повторното отворање на Кина и стравувањата од изгледите за глобално економско забавување. Пазарот ги проценува и потенцијалните последици од новите санкции на Европската Унија за руските рафинирани производи и како тоа ќе влијае на трговските текови.
„Пазарот беше малку несигурен во однос на враќањето на Кина. Главниот предизвик за пазарот во моментов е со кое темпо ќе се врати економијата“, рече Вандана Хари, основачка на „Ванда инсајтс“ (Vanda Insights) во Сингапур, во интервју за телевизијата „Блумберг“.
Кривата на фјучерси на нафтата брент сè уште сигнализира тесна краткорочна понуда, и покрај прекините во Турција и во Норвешка. Инвеститорите ќе го следат коментарот и за изгледите за монетарната политика на САД од претседателот на Федералните резерви, Џереми Пауел, кога тој ќе биде интервјуиран во Економскиот клуб во Вашингтон во текот на денешниот ден.
.webp){kind=icon}
