Нафтата го продолжи својот најголем раст во последните три месеци поради оптимизмот дека Федералните резерви (ФЕД) на САД ќе го задржат својот пат кон зголемувањето на каматните стапки без да се префрлат на поостра политика.
ВТИ за испорака во март утрово порасна за 1,4 отсто и барел се тргува по цена од 78,21 долари, додека нафтата брент за испорака во април се зголеми за 1,1 отсто, на 84,64 долари за барел.
ВТИ се искачи над 78 долари за барел откако вчера се затвори за 4,1 отсто повисоко, бидејќи претседателот на ФЕД, Џереми Пауел, рече дека ќе бидат потребни повеќе зголемувања на стапките, но дезинфлацијата започна. Забелешките, иако не се многу различни од она што тој го кажа минатата недела, беа позитивно прифатени од пазарите. Коментарите придонесоа за индикации за намалена испорака на нафта во последните денови.
Во меѓувреме, Американскиот институт за нафта објави дека резервите од сурова нафта во САД се намалиле за 2,2 милиони барели минатата недела. Официјалните владини бројки ќе бидат објавени подоцна во текот на денешниот ден.
Пазарот на нафта беше променлив оваа година, бидејќи инвеститорите чекаат постојани знаци за силното враќање од Кина по завршувањето на рестриктивната политика на нацијата со примена на политиката за нулта ковид. Трговците исто така внимателно ги следат последиците од новите санкции врз руските рафинирани производи и нивното влијание врз трговскиот тек.
„Се чини дека пазарот на нафта го избегнува негативното влијание на неодамнешното закрепнување на доларот. Тоа укажува на силна побарувачка, бидејќи стравувањата од рецесија стивнуваат и повторното отворање на Кина почнува да го храни пазарот“, рече Јенс Педерсен, висок аналитичар во „Данске банк“ (Danske Bank).
.webp){kind=icon}
