Цената на нафтата падна откако процената на индустријата укажа на значително зголемување на американските резерви, а инвеститорите ги оценуваат изгледите за американската монетарна политика по податоците што покажуваат сè уште покачена инфлација.
ВТИ утрово падна на 78 долари за барел, откако заврши за 1,4 отсто пониско во вторникот. Американскиот институт за нафта, финансиран од индустријата, објави дека комерцијалните резерви на сурова нафта во САД пораснале за 10,5 милиони барели минатата недела. Официјалните податоци ќе бидат објавени подоцна во текот на денов.
Конкретно, ВТИ за испорака во март загуби 0,9 проценти и барел се тргува по цена од 78,32 долари, а за исто толкав процент падна и вредноста на нафтата брент, чија цена сега е 84,79 долари за барел.
Bloomberg Mercury
Инвеститорите се обидуваат да пресметаат колку повисоко ФЕД ќе ги качи каматните стапки за да го смири темпото на зголемување на цените. Според вчерашните официјални бројки, потрошувачките цени се зголемија за 0,5 отсто во јануари, најмногу во последните три месеци, а годишната стапка на инфлација достигна повисоки од очекуваните 6,4 проценти.
Нафтата неделава се бореше и покрај планот на Русија да ги намали испораките, бидејќи санкциите загризуваат среде војната во Украина и низа знаци дека кинеските рафинерии собираат резерви додека се зголемува активноста. Американскиот план за задолжителна продажба на барели од стратегиските нафтени резерви влијаеше на цените, кои исто така беа оптоварени со очекувањата за повисоки американски каматни стапки и посилен долар, што ја намалува привлечноста на ризичните средства, како што е нафтата.
„Насоката на патување во блиска иднина изгледа повеќе на југ отколку на север“, рече Вишну Варатан, раководител на азиската економија и стратегија во „Мизухо“ (Mizuho Bank Ltd), наведувајќи фактори што вклучуваат зголемени очекувања за каматните стапки. Резервите на сурова нафта во САД оваа година се зголемија и го достигнаа највисокото ниво од средината на 2021 година, откако се зголемуваа седум недели едноподруго. Резервите на бензин и дестилати исто така се зголемија минатата недела, според процените на агенцијата.
Меѓународната агенција за енергетика со седиште во Париз, која ги советува богатите нации за политиката, треба да ја објави својата месечна слика на пазарот во текот на денешниот ден, нудејќи им на трговците нов увид во трендовите на понудата и побарувачката во 2023 година. Вчера Организацијата на земји извознички на нафта соопшти дека очекува малку позатегнат глобален пазар на нафта отколку што прогнозираше.
.webp){kind=icon}
