Нафтата се движи кон неделен пад, бидејќи зголемените резерви во САД и изгледите за натамошно заострување од страна на Федералните резерви ги засенија повеќето знаци дека кинеската побарувачка се подобрува.
Утрово ВТИ за испорака во март падна за 1,1 отсто, на 77,62 долари за барел, а за исто толку падна вредноста и на нафтата брент за испорака во април, која сега се продава по цена од 84,25 долари за барел.
ВТИ падна под 78 долари за барел во Азија, што е четврти ден на пад и најдолга загуба оваа година. Референтната вредност на американската сурова нафта се намали за повеќе од два процента оваа недела и е пониска од почетокот на годината. Податоците оваа недела покажаа уште едно зголемување на резервите во САД, кои се зголемија на најмногу од 2021 година.
Неделна промена на цената на нафтата / Bloomberg Mercury
Трговците ги земаат предвид изгледите за многу построга монетарна политика додека американската централна банка се обидува да ја намали инфлацијата. Двајца од креаторите на политиката, Лорета Местер и Џејмс Булард, сигнализираа дека можеби се за враќање на поостри зголемувања на стапките. Тоа му помага на доларот, кој е во спротивно движење од повеќето стоки.
Нафтата имаше проблеми оваа година и покрај повторното отворање на Кина од политиката на нулта ковид и планот на Русија да го намали снабдувањето во март како одговор на санкциите воведени поради војната во Украина. Организацијата на земји извознички на нафта и нејзините сојузници (ОПЕК+) јасно кажаа дека нема да го зголемат производството за да го неутрализираат потегот на Москва.
„Се чини дека пазарот е фокусиран на слабоста што ја гледаме во САД. Работите може да се променат многу брзо. Се сомневам дека ќе видиме координирано зголемување на побарувачката и од Кина и од САД подоцна во првиот квартал или почетокот на вториот квартал. Тогаш пазарите ќе се возбудат“, рече Даниел Хајнс, виш стратег за стоки во „Австралија и Нов Зеланд бенкинг груп“ (Australia & New Zealand Banking Group Ltd).
.webp){kind=icon}
Во моментов нема коментари за веста. Биди прв да коментира...