Нафтата порасна по неделната загуба поради надежите дека враќањето на кинеската побарувачка зајакнува по крајот на политиката за нулта ковид, надминувајќи ги јастребовските сигнали од американските Федерални резерви (ФЕД).
ВТИ за испорака во март се покачи за 0,7 отсто, достигнувајќи 76,85 долари за барел, а за исто толкав процент се зголеми и вредноста на нафтата брент, со тоа што барел за испорака во април чини 83,55 долари.
ВТИ се искачи на 77 долари за барел, со што го прекина најдолготрајниот пад оваа година. Се појавуваат знаци за закрепнување на кинеската побарувачка за нафта, иако изгледите за натамошно затегнување на монетарната политика од страна на ФЕД за борба против инфлацијата ги задржуваат цените на суровата нафта.
Bloomberg Mercury
„Економското расположение и расположението на финансиските пазари најверојатно ќе останат во центарот на вниманието. Кинеското повторно отворање би можело да предизвика биковски раст во одреден момент во наредните недели“, рече Вандана Хари од „Ванда инсајтс“ (Vanda Insights).
Нафтата претрпе тежок почеток на 2023 година, бидејќи инвеститорите ги усогласуваа постојаната загриженост за глобалното економско забавување и оптимизмот околу повторното отворање на Кина. Последиците од санкциите за руската енергија и пренасочувањето на глобалните текови додадоа уште еден елемент на неизвесност на глобалниот пазар. САД планираат да воведат нови извозни контроли и нови санкции кон Русија, насочени кон клучните индустрии на една година по инвазијата на Украина. Мерките ќе бидат насочени кон одбранбениот и енергетскиот сектор на нацијата, финансиските институции и неколку поединци, тврдат извори запознаени со ова прашање.
.webp){kind=icon}
