.webp){kind=icon}
Цената на нафтата падна бидејќи инвеститорите ги одмеруваат изгледите за натамошно монетарно затегнување од страна на Федералните резерви (ФЕД) наспроти знаците за подобрување на побарувачката од Кина по укинувањето на политиката за нулта ковид.
Фјучерсите на нафтата брент паднаа на 83 долари за барел откако во понеделникот затворија за 1,3 отсто повисоко. Конкретно утрово нафтата брент за испорака во април падна за 1,1 отсто, на 83,19 долари за барел, додека цената на ВТИ за испорака во март се покачи за 0,4 проценти, на 76,61 долари.
Пазарот беше променлив оваа година, бидејќи инвеститорите ја анализираат загриженоста дека повеќе зголемувања на каматните стапки од ФЕД ќе ја намалат побарувачката, додека ако се земе предвид повторното отворање на Кина, тоа ќе доведе до зголемување на купувањето стоки. Сето тоа значи дека во наредниот период фјучерсите ќе се движат во опсег од околу 11 долари за барел од почетокот на 2023 година, додека биковските и мечкините наративи се натпреваруваат еден против друг.
Bloomberg Mercury
Некои сè уште очекуваат нафтата брент на крајот да се искачи повторно над 100 долари поради кинеската побарувачка. Голдман Сакс (Goldman Sachs Group Inc) уште еднаш ја повтори својата позитивна перспектива за стоките оваа година, додека трговците со нафта продолжуваат да бараат појасни знаци за одржливо закрепнување на Кина. Рускиот извоз во таа азиска земја минатиот месец беше на највисоко ниво од почетокот на инвазијата во Украина.
Следниот клучен настан што го следат инвеститорите е записникот од последниот состанок на ФЕД, кој ќе биде објавен в среда. Тоа, како и личните податоци за трошењето, кои ќе бидат објавени в петок, ќе помогне да се обликува дебатата за монетарната политика.
„Секое јастребовско решение во претстојните записници на ФЕД може да биде катализатор за понатамошен надолен притисок на нафтата“, рече Јеап Јун Ронг, пазарен стратег во „ИГ Азија“ (IG Asia Pte Ltd).
Индиските рафинерии, исто така, ја зајакнаа преработката, зголемувајќи ги стапките во јануари на највисоко ниво во последните пет години, како резултат на зголемената домашна побарувачка. Јужноазиската нација исто така беше клучен потрошувач на руската сурова нафта, користејќи ги предностите на товарите со попуст.
