Цената на нафтата порасна бидејќи податоците што покажуваат силно закрепнување на активностите на кинеските фабрики ги зајакнаа изгледите за побарувачката на енергија во најголемиот светски увозник на сурова нафта, неутрализирајќи ја загриженоста за зголемените резерви на енергентот во САД.
Нафтата ВТИ за испорака во април поскапе за 0,6 проценти и сега барел чини 77,49 долари, додека цената на нафтата брент, исто така за испорака во април, се зголеми за 0,6 отсто и се тргува по цена од 83,95 долари за барел.
ВТИ го избриша претходниот пад и надмина 77 долари за барел. Производствената активност во Кина го забележа најголемото месечно подобрување во повеќе од една деценија во февруари по отфрлањето на политиките за нулта ковид кон крајот на минатата година.
Bloomberg Mercury
Скокот на нафтата дојде заедно со добивките кај другите стоки, вклучувајќи го и бакарот. Суровата нафта омекна оваа година, бидејќи изгледите за построга американска монетарна политика и досегашното зголемување на резервите го надминаа оптимизмот дека кинеската побарувачка ќе се зајакне со растот на активноста.
Руските текови се исто така во фокусот додека западните санкции и забраните поврзани со војната во Украина се заоструваат. Иако Москва во голема мера успеа да го задржи извозот со наоѓање нови купувачи, вклучувајќи ја и Индија, која е клучен излез за руската сурова нафта. Русија соопшти дека планира да го намали дневното производство за 500.000 барели од овој месец, претставувајќи ја својата одлука како одмазда на серијата санкции од Западот. Сепак, Европската Унија (ЕУ) соопшти дека Москва била принудена да го намали производството токму поради ограничувањата, додека од РЦБ (RBC Capital Markets) велат дека одлуката можеби е одраз на тешкото одржување на производството.
„Големото прашање за нафтените пазари во наредните месеци ќе биде степенот до каде што рускиот извоз на нафта и рафинирани производи ќе биде нарушен. Вреди да се напомене дека пазарите генерално го прецениле обемот на прекини во снабдувањето со руска нафта од почетокот на војната во Украина“, рече Вивек Дар, директор за истражување на рударството и енергетските стоки во Комонвелт банката на Австралија (Commonwealth Bank of Australia).
Во САД комерцијалните резерви значително се проширија во последниве месеци, што претставува голема понуда на сурова нафта во најголемата светска економија. Вчера Американскиот институт за нафта објави дека минатата недела резервите во САД се зголемиле за 6,2 милиони барели.
Конкретно, нафтата брент за испорака во декември утрово падна за 6,2 отсто, на 71,37 долар, додека нафтата ВТИ за испорака во декември се лизна за 6,4 проценти, со што барел се тргува по цена од 67,22 долари.
Цената на нафтата брент за декември порасна за 0,4 проценти, на 73,32 долари за барел, а на ВТИ за испорака во ноември се искачи за 0,5 отсто, на 69,53 долари.
Во последните два дена се случи токму она од што Волстрит се плашеше – исчезнаа 5,4 трилиони долари, а индексот S&P 500 падна на најниско ниво во последните 11 месеци.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
