.webp){kind=icon}
Нафтата е стабилна по дводневниот раст, бидејќи оптимизмот за заживување на кинеската побарувачка беше избалансиран со загриженоста за заострената монетарна политика на САД.
ВТИ и нафтата брент утрово пораснаа за 0,1 отсто, со што сега барел ВТИ се тргува по цена од 77,78 долари, а барел нафта брент чини 84,42 долари.
ВТИ се тргуваше близу 78 долари за барел откако додаде речиси три отсто во текот на претходните две сесии. Главниот извршен директор на „Шеврон“ (Chevron Corp), Мајк Вирт, рече дека зголемената кинеска побарувачка може да помогне за цените. Амин Насер, колега на Вирт во „Сауди Арамко“ (Saudi Aramco), рече дека потрошувачката во азиската земја е многу силна.
Испораките на сурова нафта од САД се зголемија на рекорд минатата недела, што укажува на зголемена побарувачка во странство, според официјалните бројки објавени вчера. Зголемувањето на протокот помогна да се намали проширувањето на резервите на национално ниво.
Bloomberg Mercury
Нафтата малку омекна оваа година поради предизвикувачките глобални макроекономски изгледи, при што Федералните резерви (ФЕД) сигнализираа дека ќе треба да ги поттикнат стапките повисоко за да ја зауздат инфлацијата. Тоа ги засенува знаците дека кинеската побарувачка ќе закрепне откако најголемиот увозник на нафта ја напушти политиката на нулта ковид кон крајот на минатата година.
„Големата слика е дека суровата нафта повторно се заглави во тесен опсег, без значаен поттик за да се придвижат цените одржливо повисоко или пониско. Тоа е игра на чекање за Кина, како и за глобалната економија“, рече Вандана Хари, основач на „Ванда инсајтс“ (Vanda Insights) во Сингапур.
Протоците на руската нафта исто така останаа во фокусот откако Москва рече дека ќе го намали производството на сурова нафта овој месец, како одмазда за санкциите и ограничувањата на цената на нејзиниот извоз на нафта. Кремљ рече дека ќе биде прагматичен кога се одлучува за идното производство и дека активностите ќе зависат од развојот на пазарот.
