Нафтата се упати кон неделна добивка, бидејќи оптимизмот околу закрепнувањето на Кина ја неутрализира загриженоста дека американската монетарна политика дополнително ќе се затегне.
ВТИ се тргуваше малку послабо, близу 78 долари за барел, но е за над два отсто повисоко оваа недела, по тридневната серија на добивки. Конкретно утрово, ВТИ за испорака во април падна за 0,3 отсто, на 77,95 долари, додека нафтата брент е со 0,2 проценти помала вредност од вчера и барел чини 84,55 долари.
Закрепнувањето на Кина откако ја напушти политиката на нулта ковид повторно ги разгори надежите за годинешната побарувачка кај најголемиот увозник на нафта во светот. Податоците оваа недела укажаа на пораст на активноста, а саудиската компанија „Арамко“ ја опиша кинеската потрошувачка како многу силна.
Неделни промени на цената на ВТИ / Bloomberg Mercury
Во меѓувреме, во САД податоците за економијата, кои се посилни од очекуваното, би можеле да ги поттикнат Федералните резерви (ФЕД) да ги зголемат каматните стапки повеќе од очекуваното, велат креаторите на политиката. Тоа би можело да го зајакне американскиот долар, намалувајќи ја на тој начин привлечноста на стоките изразени во таа валутата, што ќе го зголеми ризикот за забавување или рецесија.
Нафтата малку поевтини оваа година, додека се држи во релативно тесниот опсег од 10 долари. Покрај трендовите во САД и Кина, инвеститорите ги следат и руските енергетски текови, кои се покажаа поотпорни од очекуваното, и покрај санкциите од Западот наметнати среде војната во Украина. Производителот на ОПЕК+ планира да го зголеми извозот на дизел на нов месечен максимум во март. Некои од клучните показатели на пазарот сигнализираат на обновена сила.
„Поширокото макроекономско расположение е водечки двигател за цените на нафтата во моментов“, рече Џон Дрискол, директор на ЈТД (JTD Energy Services Pte).
Повеќе насоки за изгледите за Кина ќе дојдат овој викенд, кога ќе започне годишниот Национален народен конгрес. Премиерот Ли Кечијанг в недела ќе го достави извештајот за работата на владата за да ја означи целта за раст на бруто-домашниот производ, при што економистите очекуваат годинешната цел да биде повеќе од пет отсто. Минатата година економијата на Кина порасна само за три проценти, значајно промашувајќи го официјалниот план.
.webp){kind=icon}
