.webp){kind=icon}
Цените на европскиот природен гас ја продолжија својата неделна добивка, а трговците ги одмеруваат прогнозите за постудено време и ризиците за снабдувањето во однос на здравите резерви на енергентот.
Референтните термински цени денеска скокнаа, искачувајќи се за околу 14 проценти на неделно ниво, бидејќи се очекува побарувачката за греење да се одолжи подолго поради прогнозираните температури за почетокот на април, кои ќе бидат под нормалата за поголемиот дел од континентот.
„Тоа, во комбинација со ризиците за снабдување, доколку се одолжи одржувањето на француските нуклеарни централи или продолжи доцнењето во извозната постројка во САД, ги зголемува цените“, смета Џејмс Вадел, раководител за европски гас во консултантската куќа „Енерџи аспектс“ (Energy Aspects Ltd).
Загриженоста околу достапноста на испораките е повторно во фокусот, дури и кога нивоата на складиран гас во Европа, кои според најновите податоци изнесуваат околу 56 проценти, се најполни за овој период од годината во повеќе од една деценија. Инаку, регионот е на пат да ги наполни своите резерви многу пред следната грејна сезона, според „БлумбергНЕФ“ (BloombergNEF).
Bloomberg Mercury
Трговците внимаваат на сè што може да ја наруши изнемоштената пазарна рамнотежа, бидејќи глобалните резерви остануваат тесни. Холандските предмесечни фјучерси на гас за испорака во мај скокнаа за цели 10 отсто и се тргуваа за 46,53 евра за мегават-час до 15.45 часот во Амстердам, допирајќи го највисокото ниво во повеќе од две недели. Еквивалентниот договор во Обединетото Кралство се зголеми за 6,6 отсто. Договорите за струја во Франција и во Германија исто така напредуваа пред еден месец. Добивките во цените на јагленот и нафтата од минатата недела исто така обезбедија „повисоко ниво на поддршка за пазарот на гас“, според Вадел. Конкуренцијата меѓу горивата се засили откако цените на бензинот се лизнаа на најниските нивоа од јули 2021 година на почетокот на овој месец. Гасот повторно стана поатрактивен во споредба со јагленот и нафтените продукти за некои електроцентрали и индустриски корисници. Исто така се појавува апетит за течен природен гас во делови од Азија. Некои набљудувачи на индустријата, вклучувајќи ги „Голдман Сакс“ (Goldman Sachs Group Inc.) и „Витол груп“ (Vitol Group), предупредија дека цените на бензинот може да се удвојат повеќе од сегашните нивоа при обновување на побарувачката. „Се чини дека цените го бараат подот“ и веројатно дополнително ќе се зголемат подоцна оваа година, рече Катерина Филипенко, директорка за глобално истражување за гас во „Вуд Мекензи“ (Wood Mackenzie Ltd). „Малку е веројатно дека ќе ги видиме нивоата од 2022 година, но нестабилноста ќе остане“, рече таа на Европската конференција за гас во Виена оваа недела.
