Нафтата e стабилна по дводневниот пораст на цените, бидејќи проблемите со снабдувањето поради прекините на испораките од Ирак се чини дека се поголеми отколку проблемите со побарувачката.
ВТИ за испорака во јуни утрово порасна за 0,3 отсто, искачувајќи се на 78,97 долари за барел, додека нафтата брент ја зголеми својата вредност за 0,2 отсто и сега барел се тргува по цена од 82,92 долара.
Движење на цената на ВТИ и нафтата брент / Bloomberg Mercury
Пазарите на гориво паѓаат бидејќи маржите за рафинирање се намалуваат во Азија, а очекуваниот остар отскок на побарувачката во Кина сè уште се покажува неостварлив. На фронтот за снабдување, пратките од ирачки Курдистан остануваат запрени, поради што некои танкери ги напуштаат тамошните пристаништа со „празни раце“. Ризици за снабдувањето има и во Судан, каде што продолжија тешките борби меѓу ривалските групи.
Сепак, рускиот извоз останува отпорен и покрај претходното ветување на Москва дека ќе го намали производството, со што успева на некој начин да го намали влијанието на нарушувањата на Блискиот Исток. Според индискиот секретар за нафта, Панкај Џаинел, дел од руската сурова нафта се купува од индиските рафинери над ценовната граница што ја постави Г7. Сепак, повеќето трансакции сè уште останаа под лимитот, рече тој.
Суровата нафта сега лебди неколку долари над нивото на кое беше непосредно пред Организацијата на земји извознички на нафта и нејзините сојузници (ОПЕК+) да ги потресе пазарите со изненадувачко намалување на производството на почетокот на април. Очекувањата дека одморите во Кина следната недела ќе ја зголемат потрошувачката на авионско гориво даваат одредена надеж за пораст на цената на нафтата.
„Нафтата се бори да најде насока во моментов поради недостигот од свежи катализатори и сè уште многу големата неизвесност околу изгледите за побарувачката“, рече Ворен Петерсон, раководител за стратегија со стоки во ИНГ (ING Groep NV) во Сингапур.
.webp){kind=icon}
Во моментов нема коментари за веста. Биди прв да коментира...