Нафтата се враќа кон цените пред ОПЕК+ да го скрати производството

Нафтата се искачи повисоко, анулирајќи дел од падот во вторникот, предводен од загриженоста за изгледите за глобалната економија.

По вчерашниот пад од 2,2 проценти, фјучерсите на ВТИ за испорака во јуни утрово пораснаа за 0,5 отсто, на 77,47 долари за барел. Нафтата брент, пак, ја зголеми својата вредност за 0,4 отсто, искачувајќи се на 81,07 долар.

Движење на цената на ВТИ и нафтата брент / Bloomberg Mercury

 

Позитивното расположение се разви кај пошироките финансиски пазари бидејќи повторно се појавија стравувањата од банкарска криза во САД, додека индустриската група објави голем пад на американските резерви на сурова нафта, дополнително зголемувајќи ја таа позитивност. Сега цената на суровата нафта е блиску до местото каде што беше пред Организацијата на земји извознички на нафта и нејзините сојузници (ОПЕК+) да извести за шокантното намалување на производството на почетокот на април.

Влошувањето на профитот од рафинирањето нафта во последните неколку недели ги доведе во ситуација погоните да размислуваат за намалување на стапките на преработка, додека клучните показатели на азискиот пазар на сурова нафта оваа недела продолжија да слабеат.

„Навистина не се случува многу во понудата и побарувачката за да се помогне позначајно да се придвижи иглата. Гледаме можно поместување во надолна линија бидејќи маржите за рафинирање се под дополнителен притисок“, рече Џејмс Вистлер, управен директор на брокерската компанија „Ванир“ (Vanir Global Markets Pte) во Сингапур.

Федералните резерви (ФЕД) ќе ги проценуваат најновите извештаи за работните места, инфлацијата и потрошувачките трошоци во САД оваа недела пред состанокот за монетарната политика во мај, што ќе им помогне на инвеститорите да ја оценат силата на американската економија. Исто така се очекува в петок некои од најголемите светски нафтени компании, вклучувајќи ги и „Шеврон“ (Chevron Corp) и „Ексон“ (Exxon Mobil Corp.), да ги објават своите приходи за првиот квартал годинава.