.webp){kind=icon}
Цената на нафтата се стабилизира бидејќи слабото закрепнување на Кина ги засени оптимистичките изгледи на Меѓународната агенција за енергија (ИЕА) и позитивните податоци од САД.
Откако вчера затвори за 0,4 проценти пониско, утрово ВТИ за испорака во јуни порасна за 0,8 проценти, на 70,92 долари. Нафтата брент, пак, за испорака во јули, ја зголеми својата вредност за 0,1 отсто, на 75,01 долари за барел.
Движење на цената на ВТИ и нафтата брент / Bloomberg Mercury
Некои инвестициски банки ги намалија прогнозите за економскиот раст на Кина оваа година по слабите априлски податоци, иако ИЕА останува оптимист за изгледите за побарувачка на азиската нација по завршувањето на ограничувањата против ковид.
Суровата нафта поевтини за околу 12 проценти оваа година главно поради закрепнувањето на Кина, кое е побавно од очекуваното, кампањата на агресивно затегнување на монетарната политика од Федералните резерви (ФЕД) и поновата загриженост за максималната граница на задолжување на САД.
Сепак, продажбата на мало во САД се зголеми во април, што укажува на тоа дека потрошувачките трошоци во најголемата светска економија се задржуваат и покрај економските ветрови.
„Лошите производствени перформанси на Кина може да ги попречат, ако не и хронично да ги нарушат изгледите за враќање на силата пред ковид. Не треба да се отфрли како минлив спротивен ветер“, рече Вишну Варатан, раководител за економија и стратегија за Азија во „Мизухо“ (Mizuho Bank Ltd) во Сингапур.
Американскиот институт за нафта, финансиран од индустријата, објави дека резервите на сурова нафта во САД минатата недела се зголемиле за 3,69 милиони барели, а резервите на бензин се намалиле.
