Нафтата се упати кон својот прв неделен раст во повеќе од еден месец поради оптимизмот дека САД ќе ги избегнат проблемите со катастрофалниот долг. Претседателот на Претставничкиот дом, Кевин Мекарти, рече дека преговарачките тимови може да постигнат начелен договор уште овој викенд.
Фјучерсите на ВТИ се искачија над 72 долара за барел и нивната цена неделава е за околу три проценти повисока. Конкретно утрово ВТИ за испорака во јуни се покачи за 0,7 проценти, на 72,35 долари, додека нафтата брент за испорака во јули се зголеми за 0,8 отсто, на 76,45 долари за барел.
Неделна промена на цената на нафтата / Bloomberg Mercury
Купувањето сурова нафта од страна на некои азиски рафинери придонесе за дополнително нагорно расположение на пазарот. Но цената на суровата нафта сè уште е намалена за 10 проценти оваа година, бидејќи слабото економско закрепнување на Кина и монетарното затегнување од страна на Федералните резерви (ФЕД) влијаат на изгледите. Имено, претставниците на ФЕД внесоа одредена несигурност на пазарот, звучејќи сè повеќе поделено околу тоа дали да ги зголемат каматните стапки на состанокот следниот месец или да паузираат.
„Се чини дека цените на нафтата се потпираат на пошироко ризично опкружување“, рече Јеап Јун Ронг, пазарен стратег за ИГ Азија (IG Asia Pte). „Оптимизмот околу разговорите за плафонот на долгот, претстојната летна сезона на возење во САД и планот на нацијата да ги дополни стратегиските резерви може да им дадат поддршка на фјучерсите“, додаде тој.
Шумските пожари продолжија да беснеат во Алберта, најголемата канадска провинција што произведува енергија, нарушувајќи го производството, што придонесува за одредена затегнатост на пазарот. „Ристад енерџи“ (Rystad Energy) проценува дека поради пожарите се затворени околу 240.000 барели дневно.
.webp){kind=icon}
