Цената на нафтата порасна бидејќи напредокот во договорот за долгот на САД и зголемувањето на фабричката активност во Кина ја засенија постојаната загриженост за изгледите за побарувачката.
ВТИ утрово порасна за 0,7 проценти, на 68,54 долари за барел, а исто така и нафтата брент ја зголеми својата вредност за 0,7 отсто, но барел од оваа нафта сега се тргува по цена од 71,13 долари.
ВТИ се искачи над 68 долари за барел откако изгуби околу шест проценти во текот на претходните две сесии.
Bloomberg Mercury
Претставничкиот дом го усвои законот за ограничување на долгот, испраќајќи ја мерката на разгледување до Сенатот бидејќи се наближува рокот во кој САД може да се доведат до ситуација на неисполнување на обврските. Приватно истражување покажа мал пораст на кинеската производствена активност во мај, што е изненадувачко подобрување спротивно со официјалните податоци.
Трговците сега ќе го очекуваат состанокот на Организацијата на земји извознички на нафта и нивните сојузници (ОПЕК+), кој треба да се одржи во текот на викендот во Виена, а каде што тие ќе разговараат за производствената политика на групата. Отпорниот руски извоз е една од причините зошто оваа година фјучерсите се намалени за околу 15 проценти, а улога во тоа има и агресивното монетарно затегнување од Федералните резерви (ФЕД).
„Поширокото макроопкружување навистина го поттикнува расположението. Сè што дава трошка надеж дека побарувачката можеби нема да биде толку слаба како што се очекува, ќе се смета за позитивно“, рече Даниел Хајнс, висок стратег за стоки во АНЗ (ANZ Group Holdings Ltd).
Напредокот во договорот за долгот на САД исто така ги неутрализира знаците на зголемени резерви на сурова нафта таму. Американскиот институт за нафта објави дека резервите пораснале за 5,2 милиони барели минатата недела, што се смета за најголем пораст од февруари.
.webp){kind=icon}
