Цената на нафтата се намали поради континуираната загриженост за изгледите за побарувачката по краткотрајното одбивање на ветувањето на Саудиска Арабија дека ќе ја намали големата понуда.
По вчерашниот пад од 0,6 проценти, утрово фјучерсите на ВТИ паднаа за дополнителни 0,3 отсто, на 71,50 долар за барел. Нафтата брент, пак, поевтини за 0,4 проценти и сега се тргува по цена од 76,02 долари.
Движење на цената на ВТИ и нафтата брент / Bloomberg Mercury
Според владиниот извештај, САД гледаат дека нивната потрошувачка на нафта оваа година расте само половина од стапката што ја забележаа во 2022 година, главно поради намалената употреба на дизел. Трговските податоци од Кина, објавени утрово, исто така ја одразуваат послабата глобална побарувачка.
Нафтата изгуби околу 12 проценти оваа година, бидејќи бавното закрепнување на Кина и агресивната монетарна политика од американските Федерални резерви (ФЕД) влијаеја на побарувачката. Протоците на руската сурова нафта сè уште се високи, дури и откако нацијата рече дека ќе го намали снабдувањето, поттикнувајќи ја Саудиска Арабија да ја повика Москва да биде потранспарентна со своите податоци.
Кинескиот извоз во мај падна за првпат по три месеци, според официјалните податоци објавени денеска. Иако на бројките можеби влијаеше ниската споредбена база од пред една година, тоа дополнително ја одразува послабата глобална побарувачка.
„Перспективата на побарувачката останува најважна тема“, рече Јеап Јун Ронг, пазарен стратег со седиште во Сингапур за „ИГ Азија“ (IG Asia Pte). Американскиот институт за нафта, финансиран од индустријата, објави дека резервите на сурова нафта во САД во Кушинг, Оклахома, минатата недела се зголемиле за 1,5 милион барели.
.webp){kind=icon}
