Цените на пченицата дополнително се зголемија откако Украина употреби поморски беспилотни летала за да оневозможи руски нафтен танкер и поморски брод, заканувајќи се на клучната маршрута за извоз на руски производи преку Црно Море.
Русија, најголемиот светски извозник на пченица, го транспортира најголемиот дел од своето жито преку тој воден пат и моментално е во средината на уште една рекордна жетва, што го прави овој момент критичен да се донесе родот на пазарите и да се обезбедат доволно резерви за глобалните трошоци за храна.
„Ризикот во Црно Море се зголемува од ден на ден, а заканата за рускиот извоз е многу посилна од заканата за украинскиот извозен коридор“, рече Оле Хоу, извршен директор на брокерското советодавно друштво „Икон комодитис“ (IKON Commodities).
Фјучерси на пченицата на берзата во Чикаго/Bloomberg
Фјучерсите на берзата во Чикаго се зголемија дури за 3,4 отсто, до 6,545 долари за бушел во понеделникот, пред да се тргува по 6,4725 долари до 13.55 часот во Сиднеј. Цените се зголемија за еден процент во петокот, намалувајќи го поголемиот дел од растот од 4,3 отсто во текот на денот по нападот на Украина врз бродот на руската морнарица. Сообраќајот во пристаништето Новоросијск беше запрен неколку часа.
Одлуката на Киев да војува против Русија во Црно Море следува по повлекувањето на Владимир Путин од договорот за житото постигнат со посредство на Обединетите нации на 17 јули и по целните ракетни напади врз украинските пристаништа. Како резултат на тоа, извозот на украинскиот род беше значително намален, додека рускиот извоз не беше погоден.
Цените на пченицата на берзите сè уште се помали за речиси 20 отсто оваа година поради изгледите за рекордна жетва од клучните извозници и сѐ уште високите резерви на глобалниот пазар.
Цени:
* Фјучерсите на пченицата за испорака во септември се зголемија за 2,3 отсто, на 6,4725 долари за бушел, до 13.55 часот во Сиднеј
* Фјучерсите на пченката за испорака во декември паднаа за 0,3 отсто, на 4,96 долари за бушел
* Фјучерсите на соја за испорака во ноември паднаа за 1,7 отсто, на 13,1025 долари за бушел
.webp){kind=icon}
