Природниот гас поскапе иако проработе Северен тек

Цените на природниот гас во Европа се зголемија бидејќи руското снабдување преку главниот гасовод остана во центарот на вниманието на трговците и покрај тоа што испораката е стабилна веќе втор ден.

Руските испораки преку клучниот гасовод Северен тек вчера повторно започнаа и се очекува протокот да остане на околу 40 отсто од неговиот капацитет. Фокусот е свртен кон следната недела, при што претседателот Владимир Путин претходно предупреди дека пратките би можеле да се намалат до 20 проценти од капацитетот доколку турбината што е заглавена во транзитот не биде примена навреме за да замени друга на која најверојатно ќе и треба одржување.

Критичната компонента беше задржана во транзит по поправките во Канада и сè уште беше во Германија во четвртокот. Снабдувањето преку најголемиот гасовод од Русија до Европската унија одекнува низ економијата и пазарите со недели. Москва ги продолжи испораките по 10-дневното одржување на гасоводот кое заврши во четвртокот, но европските власти сè уште не се убедени дека горивото ќе продолжи да тече како што се приближуваат клучните зимски месеци.

Европа продолжува со напорите да ги надополни местата за складирање гас во текот на летото, а на континентот му требаат повеќе руски текови за да ја задоволи побарувачката во текот на зимските месеци. Ако Москва продолжи да испраќа гас со 40 проценти од капацитетот на гасоводот, а потоа го запре протокот во октомври, Европа најверојатно ќе остане без гас некаде во април, соопшти „Дојче Банк“(Deutsche Bank AG.)

Во моментов нема коментари за веста. Биди прв да коментира...

Остави коментар