Рускиот гас повторно тече кон Европа

Русија продолжи со испораки на гас низ најголемиот гасовод во Европа по 10 – дневниот период на одржување, објави компанијата Nord Stream AG.

Протокот продолжи денеска, изјави портпаролот на операторот. Враќањето на протокот на бараното ниво ќе потрае. Гаспром засега останува без коментар.

Продолжувањето на протокот на гас треба да донесе одредено олеснување на континентот кој е во трка да обезбеди енергенси пред зимата. Снабдувањето преку гасоводот ќе биде со 40 осто капацитет, исто како пред одржувањето.

Bloomberg

Москва со месеци ги намалува испораките на гас кон Европа, но континентот се уште се потпира на тие мали количини во обид да се наполнат складиштата. Без рускиот гас, Европа веројатно нема да има доволно залихи за греење на домовите и за другите потреби во текот на зимата. Постои ризик дека ќе има голема економска штета.

Креаторите на политиките се подготвени за најлошото, а Европската унија вчера го претстави планот за намалување на потрошувачката за 15 отсто. Комесарот за буџет, Јоханес Хан, дури и рече дека не очекува гасоводот да биде ставен во функција. „Ако гасот продолжи да стига согласно најавите, ќе има мал притисок врз цените“, Warren Patterson, раководител во холандската банка ING Groep NV. „Се уште постои неизвесност околу тоа како ќе се одвива протокот во наредите недели и месеци, така што пазарот се уште ќе биде под ризик“.

Ако дотокот се врати на ниво од 40 отсто, цените би можеле да паднат, оценуваат од  Goldman Sachs Group Inc.

Рускиот претседател, Владимир Путин навести дека протокот би можел да стаса до 20 отсто наредната недела. Во моментов работат само две турбини, а една од нив ќе треба да оди на одржување до крајот на месецот. Протокот може да се намали ако заменската турбина која беше во Канада, наскоро не стигне во Русија.

„Протокот во ограничени количини оди во полза на Русија“, вели Tim Partridge, од DB Group Europe.  „Му овозможува на Кремљ да продолжи да го користи гасоводот, но и да заработува на високите цени“.

Европските цени скокнаа од минатата недела, стигнувајќи до рекордот набрзо откако Русија ја нападна Украина. Цените од тогаш паднаа, но и натаму се девет пати повисоки од просекот во последните пет години, зголемувајќи ги трошоците на потрошувачите кои се борат со цените на сите производи, од храна до енергија.

Загриженоста за недостиг на гас се прошири на сите пазари, го урна еврото кое се тргува на исто ниво со доларот.  Целосно запирање на рускиот гас ќе ја доведе Германија, најголемата европска економија, во опасност да загуби близу 5 отсто од производството, предупреди ММФ.