Британците ќе добиваат повисоки сметки за енергенти од октомври

Сметките за енергија во Велика Британија ќе се зголемат во текот на зимата бидејќи цената на природниот гас расте поради ризиците за снабдување низ целиот свет.

Прогнозата на „Корнвол Инсајт“ носи лоши вести за потрошувачите во Велика Британија кои веќе се борат со криза на трошоците за живот и рекордно ниво на енергетски долг.

Просечната цена ќе се зголеми за 9 отсто до 1.714 фунти (2.221 американски долари) од 1 октомври, според „Корнвол“. Компанијата очекува дополнително зголемување на почетокот на следната година. Во петок, „Офгем“ ќе ги објави новите годишни цени на енергијата.

Цените на европските фјучерси на гас се зголемија за повеќе од 20 отсто оваа година. Трговците стравуваат дека испораките може да се ограничат во секој момент поради војната во Украина и заканата од ескалација на конфликтот на Блискиот Исток.

„Постојаното влијание на енергетската криза не остави на пазар кој сè уште е многу нестабилен и брзо реагира на какви било лоши вести за снабдување“, рече Крег Лоури, главен консултант во „Корнвол“.

За да бидат работите уште полоши за потрошувачите во Обединетото кралство, стотици илјади пензионери ќе ја пропуштат зимската субвенција поради новите правила во однос на тоа кој може да бара вакви бенефиции.