text size
Цената на нафтата е стабилна откако претходно регистрира прв неделен раст во последниот месец. Причина за ваквото ценовно движење е намалувањето на либискиот извоз, дополнето со знаците дека економскиот пад во Кина се подобрува.
Нафтата брент се тргува по цена нешто под 72 долара за барел, додека ВТИ (West Texas Intermediate) се движи околу границата од 69 долари. Либискиот извоз значајно се намали бидејќи преговорите под водство на Обединетите нации (ОН) беа неуспешни во обидот да се излезе од слепата улица во врска со контролата на централната банка, што, пак, се прелеа врз нафтената индустрија.
Кинеските податоци објавени во текот на викендот покажаа дека индустриското производство бележи најдолга губитничка низа од 2021 година, а инвестициите паднаа повеќе од очекуваното. Целта на Кина за годинава е раст на економијата од пет проценти, но според актуелните состојби таа изгледа се понедостижно. Влошувањето на ситуацијата кај првиот најголем извозник на сурова нафта, паралелно со зголемувањето на глобалната понуда, во текот на ова тримесечје ја турна нафтата брент за околу 17 отсто, доведувајќи ја нејзината цена блиску до најниското ниво од крајот на 2021 година.
Bloomberg Mercury
„Слабоста на кинеската побарувачка веројатно ќе трае сè додека не видиме дека Кина се обидува да ја одбрани својата цел за раст“, рече Вивек Дар, аналитичар во австралиската „Комонвелт банк“ (Commonwealth Bank of Australia). Тој смета дека ваквата ситуација може да трае само еден месец, како што веќе видовме дека се случи минатата година,, кога во октомври Пекинг се соочи со зголемување на буџетскиот дефицит.
Пазарот ја следи и состојбата со тајфунот, кој стигна до копното во близината на Шангај. Станува збор за најголемата бура што ја погодила кинеската финансиска престолнина и главно бродско пристаниште од 1949 година. Инаку, финансиските пазари во земјата денеска и утре се затворени поради државен празник.
.webp){kind=icon}
