Заради високите цени на гасот кои не покажуваат знаци за намалување како и заради нарачките кои е се потешко да се одржат, поевтините и понечисти алтернативни горива се исклучително искушувачки за купувачите гладни за енергија.
Цената на течниот гас во Азија сега изнесува 50 долари за милион британски термални единици. Цената на гасот на почетокот на април беше околу двојно повисока од цената на дизелот, а нафтата која содржи сулфур и јагленот се уште поевтини, покажуваат податоците на S&P Global Commodity Insights.
И во Европа ситуацијата е слична, цената на гасот изнесува 60 околу долари, и е трипати поголема од горивата богати со сулфур и пропанот, според податоците на енергетскиот консултант FGE.
Природниот гас стана најжешката суровина откако Русија, клучниот извор за гас преку цевковод кон Европа и течен гас за Азија, продолжува да ги држи под контрола испораките. Нема многу избор во ситуацијата, а таа се очекува да се влоши со почетокот на зимата. Во исто време, високите цени го прават горивото непристапно за некои земји. Резултатот од сето ова е – купувачите сеедно дали се богати или сиромашни бараат алтернативи.
„Заради загриженоста дека испораките можат да станат проблематични во пресрет на зимата, многу влади неодамна објавија дека ќе дозволат употреба на дизел и јаглен во нивните централи“, вели Steve Sawyer, директор во консултантската куќа FGE. „Штом се зборува за употреба на други горива освен гас, тогаш можеме да се сомневаме дека тие веќе се употребуваат“, вели тој.
Меѓународната Агенција за енергетика во четвртокот ги зголеми прогнозите за побарувачката на нафта од 380.000 барели дневно на 2,1 милион барели очекувајќи дека индустријата ќе се сврти кон нафта. Зголемената побарувачка е сконцентрирана во Средниот Исток и Европа, велат од Агенцијата.
Прогнозите на Агенцијата ги изнесе Damien Courvalin, шеф за истражувања за енергетија во Goldman Sachs, кој очекува дека вртењето од гас кон нафта ќе предизвика побарувачка од дополнителни 1,5 милиони барели дневно, споредено со ланските милион барели. Побарувачката ќе доаѓа од енергетскиот сектор и од индустријата, рече тој во интервју за Bloomberg.
Азија, Пакистан и Бангладеш се меѓи оние со големи постројки кои можат да се свртат од гас на нафта за производство на струја.
Вртењето од гас е уназадување од глобалната политика за чиста енергија. Повеќето земји преминаа на гас како дел од напорите за декарбонизација затоа што тој е најчисто фосилно гориво. Понечистите алтернативи како јаглен и нафта ќе ги направат климатските цели потешки за достигнување.
Европската комисија ќе продолжи да поттикнува зголемено производство на струја од јаглен годинава и следната година, привремено отстапувајќи од целта за намалување на употребата на јаглен во Европа, велат аналитичарите од Fitch Solutions. А, се повисоките цени на течниот гас ќе ја поттикнат промената од гас на јаглен секаде кадешто тоа е можно.
Сепак, постојат граници колку вртењето кон овие горива е можно. Помалиот капацитет за производство на енергија од овие горива е едното прашање со оглед на тоа колку е тешко централите да бидат пренаменети.
„Рестартирањето ќе зависи од тоа колку добро тие биле затворени, а потоа одржувани“, велат експертите. „Не очекувајте ќе тие преку ноќ ќе проработат“.
Повеќето од јапонските централи се затворени. Постројките се стари и скапи за рестртирање, ќе работат само кратко време и ќе отворат еколошки и политички прашања, сметаат експертите.
„Јапонија ќе се соочи со зголемена побарувачка на гориво за енергетскиот сектор од година во година, но можностите се ограничени“, велат познавачите.
Сепак, вртењето кон нееколошки гориво е тешко да се игрнорира и експертите очекуваат се повеќе земји да ги рестартираат фабриките кои согоруваат нафта. „Процесот ќе мора да почне сега ако сакаат да бидат подготвени да ја задоволат зимската побарувачка“, вели Sawyer.
.webp){kind=icon}
