Енергетската криза се влошува и создава дополнителен притисок врз индустриите на суровини, кои се клучен движечки елемент на светската економија.
Со оглед на тоа што значајно зависат од цената на енергенсите, компаниите од индустриите за производство на челик, ѓубрива и алуминиум се принудени да затвораат фабрики поради енормниот раст. На силен ценовен удар се изложени и материјалите неопходни за производство на електрични автомобили или соларни панели.
Оваа неизвесност може дополнително да ги оптерети домаќинствата, кои веќе ги трпат ефектите од високата стапка на инфлација. Но, освен тоа, може и да ја турне економијата во рецесија.
Се постапува прашањето колку ќе се влоши состојбата во некои индустриски сектори во пресрет на зимата и продлабочувањето на енергетската криза?
Индустриски метали
Капацитетот за производство на цинк и алуминиум во Европа се намали за околу 50 отсто во последните 12 месеци, а изгледа дека не е дојден крајот на негативниот тренд.
Компанијата Норск Хидро АСА (Norsk Hydro ASA) планира да ја затвори својата топилница во Словачка на крајот од септември. Компанијата Нирстар (Nyrstar) има исти планови за својата топилница во Холандија. Како што наведуваат од компаниите, причина за ваквите одлуки е вртоглавиот раст на цените.
Со оглед на тоа што залихите во Европа веќе се ниски, ова дополнително ќе ја отежни состојбата со потребните количини за увоз.
Производителите на алумиуми страдаат и во провинцијата Сичуан во Кина, каде што главен проблем претставува сушата. Поради тоа компанијата Хенан Жонгфу (Henan Zhongfu Industry Co.) мораше да ја прекине работата на топилницита во период од една недела.
Ситуацијата не е лесна ниту во САД, каде што компанијата Сенчури Алуминиум (Century Aluminum Co.) ја запре работата во својата огромна фабрика во Кентаки откако цените на енергенсите го направија производството непрофитабилно.
Иако произведувачите на бакар не чувствуваат полн удар од кризата поради природата на производствениот процес, сепак и тие не се поштедени.
Челик
Рестрикциите на електричната енергија во провинцијата Сичуан погоди повеќе од 70 проценти од локалните челичарници, предизвикувајќи намалување на обемот на производство или целосно затворање на погоните. Ова доведе до поскапување на железната руда и челикот. Бритиш Стил (British Steel) е една од компаниите кои ја покачуваат продажната цена поради зголемените трошоци. Таквиот потег претходно можеше да се прифати поради силата на европската економија но, сега се поставува прашањето што ќе се случи кога е веќе извесно дека економскиот раст ќе биде помал од очекуваното?
Во САД најмалку две челичарници го намалија обемот на производство поради растот на цените на енергенсите.
Зелени метали
Кинеската енергетска криза најверојатно ќе резултира со пораст на цената на литиумот. Според податоците на Блумберг НЕФ (BloombergNEF) во провинцијата Сичуан лани, на пример, се произведени повеќе од една петтина од вкупното кинеско производство на литиум. Затоа, аналитичарите очекуваат дека цената ќе расте.
Оваа провинција, исто така, е важна и за производството на полисиликон, кој што се користи во производството на соларни панели. Цената на овој материјал, што всушност е неопходен и за производство на возила и компјутерски чипови, само во текот на минатата недела скокна за 12 отсто.
Вештачки ѓубрива
Европските компании, кои се занимаваат со производство на вештачки ѓубрива, исто така, зависат од цената на природниот гас. И европските и кинеските компании мора да го намалат обемот на производство поради растот на цените. Земјоделците се трудат да обезбедат доволни количини храна но, зголемените цени може да ги натераат да ги користат ѓубривата во помала мера, што би резултирало со помала жетва.
Европа изгуби најмалку една четвртина од својот капацитет на производство на вештачко ѓубриво, а од Меѓународното здружение за производство на вештачки ѓубрива предвидуваат дека потрошувачката на ѓубрива во светот идната година ќе падне на нивото од 2008 година.
Шеќер
Компанијата Судцукер (Suedzucker AG), која што е европски гигант за производство на шеќер, предупреди на можно пресликување на растот на цените. Но, изјавија дека имаат план да се префрлат на друг извор на енергија доколку Русија ја прекине испораката на гас.
Аналитичарите, пак, наведуваат дека ова би можело да биде скап процес и дека потрошувачите на крајот сепак ќе плаќаат многу повеќе за шеќер.
.webp){kind=icon}