text size
Кога влегувате во канцеларијата на „Кока-Кола“ (Coca-Cola) во Чикаго го нема иконското лого на гигантот за безалкохолни пијалаци. На неговото место стои џиновско ѕвонче од крави. Протеинското млеко „ферлајф“ (Fairlife) стана најбрзорастечки бренд на компанијата, која го филтрира млекото со цел да ги зголеми протеините, да го преполови шеќерот и да ја елиминира лактозата.
„Кока-Кола“ неодамна извести дека ги зголемува цените за да се спротивстави на инфлацијата и дека растот не е резултат на поголем обем на продажба. Во последниот квартал цените се зголемија за 10 проценти, додека обемот на продадени производи се намали за еден отсто.
Секоја влада со нов план за почист воздух, ама тој никако да стигне
Во цел месец одвај десетина дена жителите на четири града во земјава дишеле чист воздух. Тоа е третина од она што науката го дозволува за цела година. Максималната вредност на честичките ПМ10 треба да изнесува до 50 микрограми на кубен метар. Над оваа вредност, според податоците на веб-страницата на Министерството за животна средина и просторно планирање, смее да се искачи само 35 дена во текот на една година.
Ваквата состојба се повторува со години. Исто толку долго се повторуваат и ветувањата за преземање мерки за решавање на проблемот. Најновото ветување стигна на крајот на декември лани, во вид на Планска програма за почист воздух 2024-2030 година. Анализираме што предвидува таа програма.
ЕУ ја враќа кауцијата за амбалажа, кај нас рециклирањето невозможна мисија
Целата амбалажа ќе мора да се рециклира до 2030 година. Ова го предвидува новата директива на Европската Унија за амбалажа и амбалажен отпад, која стапува во сила годинава.
Новите мерки на ЕУ имаат цел да го решат проблемот со растечките количества отпад и да поттикнат циркуларна економија. Нивната цел не е насочена само кон отстранување на отпадот од пакување туку и кон поттикнување повторна употреба на пакувањето и рециклирање. Уредбата предвидува целосна забрана за одредени пакувања. Тоа особено се однесува на пластиката.
Европа се стреми кон енергетска криза по рекордниот раст на цената на гасот
Европа е на работ на следната енергетска криза откако цените на природниот гас се искачија на највисоко ниво во последните две години. По долга борба со зголемените сметки, упорно високата инфлација и слабеењето на индустриската активност поради кризата во 2022 година, континентот повторно се соочува со закана од уште еден продолжен раст што може да предизвика поголема економска болка.
Референтните фјучерси за гас денеска скокнаа дури за 5,4 проценти, на 58,75 евра за мегават-час. Тоа е највисоко од февруари 2023 година. Згора на тоа, резервите од гас во регионот брзо се трошат зимава и нема економски поттик за енергетските големини да го складираат гасот по тековни цени.
За американските компании, ЕСГ-правилата се сериозна бариера за тргување со ЕУ
Американските компании го додаваат својот глас на листата критичари насочени кон регулативите за ЕСГ во Европа. Американската стопанска комора при ЕУ, чии членки се „Форд“, „Ексон“ и „Амазон“, ја повикува ЕУ да ги одложи, па дури и да ги запре главните планови интегрирани во нејзините правила за заштита на животната средина, општествената одговорност и управувањето т.е. одговорното управување, се наведува во денешното соопштение. Во него се истакнува дека компаниите треба да бидат слободни да ги игнорираат регулативите за ЕСГ додека не се заврши ревизијата и не се измени законодавството.
Трамп планира царина од 25 проценти за увоз на челик и алуминиум во САД
Претседателот Доналд Трамп планира да воведе царини од 25 проценти на целиот увоз на челик и алуминиум во САД, проширувајќи ги своите трговски ограничувања на некои од главните трговски партнери на земјата и барајќи да ги заштити домашните индустрии што му помогнаа да ги освои клучните држави на изборите минатата година.
Трамп рече дека тарифите ќе важат за увоз на двата метала од сите земји, вклучувајќи ги и главните доставувачи Мексико и Канада. Тој не прецизира кога царините ќе стапат во сила.
.webp){kind=icon}
