Средба на европските лидери со Зеленски во клучен момент за мир

Клучните европски лидери, вклучувајќи го и британскиот премиер Кир Стармер, денеска во Лондон ќе се сретнат со украинскиот претседател Володимир Зеленски во обид да ги насочат мировните разговори предводени од САД кон решение што ќе ја заштити Украина од можноста за идна руска агресија.

Францускиот претседател Емануел Макрон и германскиот канцелар Фридрих Мерц ќе се приклучат на разговорите во раните попладневни часови. Во меѓувреме, министерката за надворешни работи на Велика Британија, Ивет Купер, ќе замине во Вашингтон за прв пат во нејзината сегашна улога за да се сретне со американскиот државн секретар Марко Рубио и други официјални лица.

Прочитајте повеќе: Зеленски вели дека засега нема договор за Источна Украина во разговорите со САД

Дискусиите на двете страни на Атлантикот се совпаѓаат со европските стравувања дека трансатлантскиот сојуз се распаѓа откако САД минатиот месец предложија мировен план од 28 точки изготвен со помош на Русија, кој би ја спречил Украина да се приклучи кон НАТО, би ја ограничил големината на нејзината војска и би отстапил територија на Москва.

Иако дискусиите оттогаш се прилично се прилагодени на украинските барања, европските лидери се обидуваат да осигурат дека рускиот претседател Владимир Путин нема да биде награден за неговата агресија.

Сепак, притисокот врз украинскиот лидер расте. Американскиот претседател Доналд Трамп во неделата го изрази своето разочарување од начинот на кој Зеленски гледа на американскиот предлог за прекин на војната.

Мерц, Макрон, Зеленски, Стармер и полскиот премиер Доналд Туск во Киев, Украина, во мај Bloomberg Mercury

 

„Ова е навистина клучен момент“, изјави вчера за „Скај њуз“ (Sky News) Пет Мекфаден, министер во кабинетот на Велика Британија. „Сите сакаат војната да заврши, но сакаме таа да заврши на начин што ќе ѝ даде на Украина слобода на избор во иднина. Тоа значи праведен крај на војната, но и безбедносни гаранции за Украина во иднина, а не целосно потчинета организација која не е во можност да одлучи за својата иднина.“

Пет Мекфаден Bloomberg Mercury

 

Во текот на викендот Русија спроведе масовен напад врз украинската енергетска инфраструктура во која беа вклучени стотици беспилотни летала и повеќе од 50 ракети што ја прекинаа електричната енергија во Киев, Одеса и пет други региони. Украина соопшти дека ја погодила рафинеријата за нафта Рјазан на „Роснефт“ (Rosnjeft PJSC), на 193 километри југоисточно од Москва.

Европските поддржувачи на Украина се надеваа дека ако успеат да го поддржат Киев во текот на зимата, економските тешкотии на Русија ќе се интензивираат следната година, а Путин ќе ја изгуби својата преговарачка моќ.

Со намалувањето на американската помош, европските лидери работат на план за користење на средствата на руската централна банка, кои се замрзнати во Белгија, за финансирање на Украина. Белгискиот премиер Барт де Вевер се спротивстави на идејата, тврдејќи дека во таков случај Белгија би можела да биде одговорна доколку Русија поднесе тужба како одговор.

Bloomberg Mercury

 

Околу 210 милијарди евра руски средства се блокирани на територијата на ЕУ, главно во депозитарот за хартии од вредност со седиште во Брисел, „Еуроклиар“ (Euroclear). Лидерите на ЕУ имаат за цел да постигнат консензус за предлогот на состанокот во белгискиот главен град на 18 декември.

Стармер вчера разговараше и со холандскиот премиер Дик Шуф, согласувајќи се за „потребата од одржлива меѓународна поддршка за одбраната на Украина“, се вели во списите од телефонскиот разговор. „Лидерите повторија дека безбедноста на Украина е од витално значење за безбедноста на Европа“, се посочува во записникот.

Стармер се обиде да се позиционира како европски лидер најблизок до американскиот претседател Доналд Трамп, како и водечки сојузник на Украина. Тоа е незгодна ситуација со оглед на долгогодишните несогласувања меѓу американскиот и украинскиот лидер што се манифестираа во жестока расправија во Овалната соба во февруари годинава.

Во Вашингтон, Купер ќе ја пренесе поддршката на Велика Британија за „напорите на Трамп за обезбедување праведен и траен мир“, според соопштението од Министерството за надворешни работи. Но, теми на разговор со Рубио ќе бидат и ситуацијата во Газа, како и конфликтот во Судан, се вели во соопштението.