Бизнисменот Илон Маск повика на распуштање на Европската Унија откако неговата социјална мрежа X беше казнета со 120 милиони евра.
„ЕУ треба да се распушти, а суверенитетот да им се врати на поединечните земји, за да можат владите подобро да ги претставуваат своите граѓани“, напиша Илон Маск во објава на X во саботата.
Европската комисија го казни X за лажни платени беџови за верификација, недостаток на транспарентност во неговата архива на реклами и ограничување на пристапот до податоци за истражувачите. Комисијата изјави дека дизајнот на сината ознака за проверка на платформата на X бил „лажен“ откако беше променета.
Прочитај повеќе
Бари се обложува против „Тесла“ поради високата процена на компанијата и платата на Маск
Познатиот инвеститор тврди дека „Тесла“ е опасно преценета, а предложениот пакет за Маск ќе донесе уште поголем притисок врз акционерите преку намалување на нивниот удел.
02.12.2025
Од стартап до цивилизациски пресврт: Како „Тесла“ нè носи во робосвет
„Тесла“, која ја предводи луцидниот Илон Маск, мора да најде извори на нови приходи за да ги оправда огромните трошоци во нови технологии.
10.11.2025
Во меѓувреме, американските политичари исто така остро реагираа на казната.
Државниот секретар на САД, Марко Рубио, во објава на X во петокот ја нарече казната „напад на странски влади врз сите американски технолошки платформи и американскиот народ“.
„Денешната прекумерна казна од 120 милиони евра е резултат на пречекорување на регулаторните овластувања на ЕУ насочени кон американските иновации“, напиша на X во саботата Ендрју Пуздер, амбасадорот на САД во ЕУ.
Американскиот потпретседател Џ. Д. Венс го нарече потегот напад врз американските компании и казна за отфрлање на цензурата. Реагираа и европските политичари.
Полскиот министер за надворешни работи Радослав Сикорски го праша Маск, исто така преку мрежата X, зошто не протестира против цензурата во Русија, каде што мрежата X е забранета. Тој се осврна на коментар за лицемерието на руските политичари кои ја критикуваат ЕУ на мрежата X, додека на Русите воопшто не им е дозволено да ја користат таа мрежа.
Извршната потпретседателка на Европската комисија, Хена Виркунен, изјави дека целта не е да се изречат највисоки казни, туку да се спроведе законот, наведувајќи ја суспензијата на случајот „Тикток“ (TikTok) како пример за успешна соработка.
Мрежата X сега има 60 дена да ја извести Комисијата за плановите за решавање на „заблудувачките“ сини ознаки. Има и 90 дена да прикаже план за решавање на проблемите со архивата за реклами и пристапот до јавни податоци за истражувачите.
„Непочитувањето на одлуката може да доведе до периодични казни“, предупреди Комисијата во соопштението.
.webp){kind=icon}
