Игрите за мобилни телефони се доминантна сила во светската индустрија на игри. Според податоците на „Њузу“ (Newzoo), оваа гранка во 2021 година оствари приходи во висина од 93,2 милијарди долари. Секторот за игри со конзоли во истиот тој период оствари приходи во висина од 50,4 милијарди долари, додека секторот за компјутерски игри инкасира 36,7 милијарди долари.
Според образложението на аналитичкиот тим на „Блумберг Адрија“, трите најчести начини за монетизација во оваа индустрија за игри за мобилни телефони се преку купување во рамките на самата апликација, преку рекламирање, како и преку еднократната наплата.
Нашиот аналитички тим гледа светла иднина за индустријата на игри во регионот Адрија. Аналитичарот на „Блумберг Адрија“, Матео Мошња, вели дека има три главни предизвици со кои се соочува индустријата на игри во нашиот регион.
Прочитај повеќе
Индустрија за игри: Македонскиот „Фјуриос авокадо“ за пример во регионот
Гејминг-компаниите од Македонија во некои случаи се соочуваат со двојно оданочување.
09.01.2023
Гејминг - индустрија со голем потенцијал и многу пари во игра
Во нашите студија се прават игри и за „Плејстејшн“, секоја со вредност од над 30 милиони евра.
09.11.2022
„Прв предизвик е недостигот од договори за избегнување на двојното оданочување со САД и одредени земји од регионот. Вториот предизвик е недостигот од работна сила со соодветно искуство, а третиот и главен предизвик е надоместокот што компаниите им го плаќаат на дистрибутивните платформи“, вели нашиот аналитичар.
Освен САД, во регионот има три земји што уште не потпишале договор за избегнување на двојното оданочување, а тоа се Македонија, Србија и Босна и Херцеговина.
„Компаниите на некој начин се навикнаа на тоа и одлучија да основаат холдинг-компании во држави како Велика Британија или Ирска и така го избегнуваат тој проблем, но тоа им претставува дополнителен административен товар“, објаснува Мошња.
Инаку, главни дистрибутери за мобилни игри се „Гугл плеј стор“ (Google Play Store) и „Епл еп стор“ (Apple App Store), каде што, како што пишува во анализата, за секоја трансакција се плаќа и до 30 отсто провизија.
Пандемијата поттикна раст
Трендовите одат во корист на индустријата за игри, бидејќи младите сѐ повеќе време поминуваат играјќи игри наместо да се забавуваат на традиционален начин со гледање телевизија или читање книги. „Дури игрите станаа омилен вид забава за генерацијата зед и за милениумците“, објаснуваат нашите аналитичари.
„Но некои макроекономски ветрови, како растот на каматните стапки и високата инфлација, краткорочно негативно ќе влијаат на растот на оваа индустрија“, заклучува аналитичкиот тим на „Блумберг Адрија“.
.webp){kind=icon}
