По најтоплиот јуни од почетокот на евиденцијата во 1850 година, новата анализa покажува дека постојат 81 отсто шанси оваа година да биде најжешка досега. Високите температури што беа забележани во јуни продолжија и во јули. Топлотни бранови се забележуваат низ САД, поголемиот дел од Европа и делови од Азија. Од друга страна, феноменот Ел Нињо се засилува во Тихи Океан и водите на Атлантикот во близината на Флорида, каде што температурите на водата достигнуваат невидени 32,2 Целзиусови степена. Тоа би можело да значи дека 2023 година оди кон патеката да стане најтопла година од почетокот на чувањето евиденции во 1800-тите.
Истражувачката непрофитна организација „Беркли еарт“ (Berkeley Earth ) од октомври 2019 секој месец ги анализира глобалните температури и во согласност со мерењата ја прогнозира годишната топлина. Во последната анализа, објавена на 11 јули, се наведува дека „шансите во овој момент се над 80 отсто дека 2023-та ќе биде најтопла година досега“, вели Зеке Хаусфатер, научник за климата на организацијата „Беркли еарт“.
Денеска температурите во јужните делови на Македонија ќе надминат 40 степени
14.07.2023
Во следните 10 дена топлинската купола што се протега од Сахара ќе биде присутна во Италија и Балканот со температури до 7 Целзиусови над нормата
12.07.2023
Според долгогодишните набљудувачи на климата, ваквото темпо на екстремно високи температури се предвидуваше долго време и сега шансите за да се намали тоа се минимални. „Ова го очекував 20 години и ќе продолжи да се случува, со оглед на тоа што не ги намалуваме емисиите на стакленички гасови“, вели Камила Пармесан, професорка во Националниот центар за научни истражувања.
Земјата веќе се загреа за 1,2 Целзиусов степен од прединдустриската ера поради зголемените емисии на стакленички гасови во атмосферата. Единствениот начин да се запре овој тренд, предупредуваат климатолозите, е луѓето веднаш да ги намалат своите климатски загадувачи, најмногу со отфрлање на фосилните горива. Влошувањето на климатските промени го зголемува интензитетот на екстремните временски настани, а ова лето не е исклучок. Топлотни бранови ги погодија Јапонија, Индија и САД, кои исто така се бореа со разорните поплави на североистокот. Суша сега ја погодува Европа, по рекордните пролетни горештини во Медитеранот. Канада се бори со шумски пожари, кои се надвор од контрола, испраќајќи бранови од опасен чад кај милиони луѓе низ Северна Америка. Ел Нињо е само уште еден вид екстремна појава со поинтензивни промени во последните децении поради климатските промени. „Од 1950 година, Ел Нињо е значително посилен од кое било време од 1400 до 1950 година“, вели Пармесан. 
Bloomberg Mercury
Прочитај повеќе
Кои економски сектори губат најмногу од топлотните бранови?
Екстремно високи температури се очекуваат во Европа
Високо меѓу факторите што ја туркаат годинешната неспоредлива топлинска патека е споменатиот Ел Нињо, прв по речиси четири години.
„Секогаш кога имаме појава на Ел Нињо, ѕиркаме малку во иднината. Така, според новата климатска нормала, ако за 5-10 години нашите емисии останат на сегашното ниво и не се намалат брзо, оваа и следната година ќе имаме малку повисоки температури од нормалните, но долгорочните климатски промени брзо ќе ја доведат планетата до овие нивоа на топлина цело време“, вели Хаусфатер.
Шансите за 2023 година да биде рекордно најтопла година според организацијата „Беркли еарт“ од ден на ден се зголемуваат, а доколку се засили Ел Нињо, 2024 година може да биде уште потопла. Оваа организација, заедно со американскиот национален центар за животната средина и Службата за климатски промени на Европската Унија, го прогласи јуни за најтопол месец досега.
.webp){kind=icon}
