text size
Самитот во Лондон, чија цел беше да се одредат следните чекори во однос на поддршката за Украина, што се наметна како потреба по расправијата во Овалната соба меѓу американскиот претседател Доналд Трамп и украинскиот претседател Володимир Зеленски, заврши со договор за четири клучни точки: да продолжи воената помош за Украина додека трае војната и дополнително да се интензивира економскиот притисок врз Русија; секој траен мир мора да ги гарантира суверенитетот и безбедноста на Украина, а Киев мора да учествува во сите мировни преговори; во случај на мировен договор, европските лидери да работат на одвраќање на Русија од какви било идни инвазии врз Украина; и да се создаде коалиција што ќе биде подготвена да ја брани Украина и ќе гарантира мир.
Јаглероден надоместок: Колку ќе плаќаат компаниите?
Во трка со крајниот рок, процедурите за носење на законот за климатска акција влегуваат во финалната фаза. Подготвен уште во 2021 година, па изменет и повторно поставен на ЕНЕР во 2023 година, деновиве ги трпи последните измени.
Законот е неопходен за земјава да се усогласи со регулативата на ЕУ за воведување механизам за прекугранично јаглеродно приспособување (англ. Carbon Border Adjustment Mechanism – CBAM) односно да се овозможи воведување јаглероден надоместок за компаниите што произведуваат електрична енергија, цемент, алуминиум, вештачки ѓубрива, железо и челик. Ако давачката не биде дефинирана навреме, наместо во земјава, парите на домашните компании по основ на јаглеродниот надоместок ќе завршуваат во странство.
Истражување: Оптимизам меѓу бизнисмените во САД, во Европа не толку
За што размислуваат претприемачите во светот како што се приближуваме кон средината на декадата што ни донесе солиден економски раст и невиден технолошки напредок, но исто така и глобална пандемија и геополитички конфликти? Ова е темата што се амбицираа да ја истражат аналитичарите од швајцарскиот банкарски гигант УБС (UBS) во првото издание на извештајот „UBS Global Entrepreneur Report“, кој беше објавен неодамна.
Гледано од индустриска перспектива, оптимизмот е најголем меѓу бизнисмените од технолошкиот сектор и секторот здравствена заштита, а помали оптимисти се претприемачите од областа на производи за широка потрошувачка.
Скок на цените: Трамп откри кои три криптовалути ќе бидат дел од Федералните резерви
Американскиот претседател Доналд Трамп вчера на „Трут сошал“ (Truth Social) објави дека криптовалутите XRP, солана (Solana) и кардано (Cardano) ќе бидат вклучени во формирањето на американската стратегиска федерална резерва за криптовалути. Изјавата дојде откако Трамп потпиша извршна наредба за формирање работна група за дигитални средства.
Вредноста на овие криптовалути нагло се зголеми по објавувањето. Најголемиот биткоин, кој не беше споменат, во неделата се искачи до 88.628 долари, но потоа назадуваше.
Биткоинот загуби речиси третина од рекордната вредност - кои се причините за падот?
Набљудувачите на пазарите се обидуваат да ги откријат причините за падот на вредноста на оригиналната криптовалута од дури 28 проценти од нејзиниот рекорд, постигнат на 20 јануари, денот кога поддржувачот на криптото Доналд Трамп беше инаугуриран за претседател на САД. Тогаш цената на биткоинот надмина 109.000 долари.
Анализираме кои се причините за драматичниот пад на вредноста на биткоинот во последниот период.
Како влијае Трамп на пазарите на капитал во 2025 година?
„Трамп сакаше да ги заштити американските компании и Волстрит со царини и геополитички договори, но засега излегува дека профитираат пазарите во развој и Европа - барем што се однесува до пазарите на капитал“, велат аналитичарите на „Блумберг Адрија“ Михаел Блажековиќ и Марина Петров Савиќ во својата анализа за влијанието на американскиот претседател врз пазарите на капитал. Речиси никој не знае со сигурност како ќе се движат пазарите до крајот на годината, бидејќи засега сè зависи од потезите на еден човек, велат тие.
.webp){kind=icon}
