Рубио: Зеленски треба да се извини за потрошеното време на Трамп

Американскиот државен секретар Марко Рубио го повика украинскиот претседател Володимир Зеленски да се извини по неговата расправија со американскиот претседател Доналд Трамп во Белата куќа.

„Зеленски треба да се извини што ни го загуби времето за средба што заврши на овој начин. Многу јасно ставивме до знаење кој е нашиот план, а тоа е да ги доведеме Русите на преговарачка маса“, истакна Рубио во интервју за „Си-ен-ен“ (CNN).

Тој додаде дека во изминатите десет дена во сите контакти со Украинците имало компликации, вклучително и јавните изјави на претседателот Зеленски, при што се поставува прашањето дали украинскиот претседател е подготвен за мир.

„Можеби не сака да склучи мировен договор. Тој вели дека го сака тоа, но можеби и не“, истакна Рубио, додавајќи дека „овој начин на поткопување на мировните напори е многу разочарувачки“.

Во моментов нема коментари за веста. Биди прв да коментира...

Остави коментар