Нов бран водушни напади кон Израел - македонски државјани чекаат помош за евакуација

Меѓусебните воздушни напади меѓу Израел и Иран, кои започнаа од петокот рано наутро и веќе трет ден нивниот интензитет само се зголемува, веќе резултираат со посериозни оштетувања на различни типови инфраструктура во свете земји. Последната информација што ги соопшти Израелската нафтена рафинерија, а пренесе МИА, е дека се оштетени нафтоводи и далеководи во израелскиот град Хаифа. Израелските медиуми ја потврдија ваквата информација преку поднесокот што компанијата го доставила до берзата во Тел Авив.

Според соопштението, на погодените локации нема жртви ниту повредени. И покрај делумниот прекин на некои производствени процеси, постројките на рафинеријата продолжуваат да работат.

Во меѓувреме, по ексалацијата на состојбите меѓу вечните непријатели Израел и Иран, вкупно 22 македонски државјани досега побарале асистенција за напуштање на територијата на Израел и враќање во Македонија, информираше македонското Министерството за надворешни работи и надворешна трговија.

Оттаму додаваат дека во тек се активности за нивна скорешна евакуација и трансфер до безбедна локација, од каде што дополнително ќе се организира нивно враќање во земјата.

„Напоменуваме дека дипломатско-конзуларното претставништво во Тел Авив е во постојана комуникација со нашите државјани, а Министерството за надворешни работи и надворешна трговија активно работи на обезбедување на сите неопходни услови за нивно безбедно враќање“, стои во соопштението од министерството.

                      

За помош, поддршка и асистенција за евакуација од Израел, граѓаните може да се обратат на следните контакти (достапни 24 часа дневно):   Амбасада на Република Северна Македонија во Тел Авив Тел: +972 54 500 8566 / +972 54 967 0546 и е-пошта: telaviv@mfa.gov.mk . Министерство за надворешни работи и надворешна трговија Тел: +389 75 273 732 / +389 75 268 736, и е-пошта: globalsos@mfa.gov.mk.

  

 

Во моментов нема коментари за веста. Биди прв да коментира...

Остави коментар