Компанијата „Де Бирс“ (De Beers) продаде најмалку дијаманти откако целосно ја запре продажбата во екот на глобалната пандемија, бидејќи индустријата се бори со слабеење на побарувачката и големи резерви. „Де Бирс“ продаде необработени дијаманти во износ од само 80 милиони долари на крајот на октомври, во споредба со 454 милиони долари една година порано. Одделот „Англо Американ“ (Anglo American Plc) им даде на купувачите право практично да одбијат да ги купат сите дијаманти во последните две продажби годинава за кои се обврзани со договор.
Побарувачката за дијаманти е ослабена од пандемијата, бидејќи луѓето трошат повеќе на патувања и искуства, додека економските турбуленции влијаат на трошењето на луксуз на клучните пазари во САД и Кина. Во одредени сегменти на пазарот исто така влегуваат и дијамантите произведени во лабораторија.
Главниот конкурент на „Де Бирс“, руската „Алроса“ (Alrosa PJSC), целосно ја суспендираше продажбата во септември поради намалената побарувачка од купувачите во Индија, каде што околу 90 отсто од сите дијаманти се сечат или полираат во накит. Индија тогаш го суспендираше најголемиот дел од својот увоз.
Прочитај повеќе
Цените на дијамантите се во слободен пад на клучен дел од пазарот
Целокупната побарувачка за дијаманти е ослабена од пандемијата.
11.09.2023
„Амазон“ ќе прави дијаманти за еволуција на компјутерските мрежи
„Амазон“ се здружува со единица на „Де Бирс“ за одгледување вештачки дијаманти.
07.04.2023
Падот на цените започна со поголемите дијаманти, особено оние популарни на американскиот пазар за венчални прстени. Сепак, големиот пад на цените сега се прошири и на помалите дијаманти. Ова доведе до тоа центрите за сечење дијаманти во Индија да ги прекинат набавкие и да се обидат да се ослободат од вишокот резерви.
„Де Бирс“ ги продава своите скапоцени камења преку 10 продажби секоја година, во кои купувачите, познати како носители на договор, обично треба да ја прифатат цената и понудените количини. Иако клиентите може да одбијат да купат, тоа може да влијае на достапноста на дијамантите што ќе им бидат понудени во иднина. Додека компанијата ја одржуваше својата продажба, на клиентите им даде многу поголема флексибилност од вообичаено да одбијат купување, во суштина отстранувајќи ја таа договорна обврска.
„'Де Бирс' ги поддржа носителите на договори со обезбедување целосна флексибилност при купувањето додека средниот тек одново ја балансира понудата и побарувачката на големо“, истакна во средата извршниот директор Ал Кук.
.webp){kind=icon}
