.webp){kind=icon}
Цените на половните часовници на „Ролекс“ (Rolex) и „Патек Филип“ (Patek Philippe) минатиот месец достигнаа ново двегодишно најниско ниво на секундарниот пазар, бидејќи побарувачката за часовници од високата класа продолжи да паѓа поради зголемената понуда.
Индексот Bloomberg Subdial Watch падна за 1,8 отсто во октомври и дојде на најниско ниво од 2021 година. Индексот, кој ги следи цените на 50-те најпродавани часовници по вредност на секундарниот пазар, сега е намален за 42 отсто од својот врв во април 2022 година.
Падот е резултат на огромните зголемувања на цените за време на пандемијата, кои достигнаа рекордни нивоа за најбараните модели на „Ролекс“, „Патек“ и „Одемар Пиге“ (Audemars Piguet). Сега, кога каматните стапки се зголемија поради силната инфлација во комбинација со зголемените геополитички тензии и нестабилниот економски раст, колекционерите на часовници купуваат помалку од овие скапоцености.
Цените се на најниско ниво во последните две години
Bloomberg Mercury
Кристи Дејвис, ко-основач на платформата за тргување со часовници со седиште во Велика Британија, „Сабдајл“ (Subdial), вели дека има знаци на дополнително слабеење на пазарот додека понудата расте, а на трговците со половни часовници им треба повеќе време за да ги продадат своите производи.
„Гледаме зголемен притисок на пазарот, што може да доведе до дополнително опаѓање на цените бидејќи трговците ги намалуваат сумите за да можат да продадат“, посочи Дејвис во октомврискиот пазарен извештај објавен од „Сабдајл“.
Бројот на користени часовници достапни на секундарниот пазар е зголемен за 5 отсто од август, покажуваат податоците на „Садајл“. Несигурноста на цените, која мери различни понуди за ист модел на часовник од различни трговци, се зголеми за 12 отсто во истиот период.
Цената на луксузните часновници во пад
Bloomberg Mercury
„Со повеќе часовници достапни по поширок опсег на цени, забележливо е дека луѓето ги намалуваат цените за да привлечат купувачи пред празничната сезона“, рече Дејвис.
Како што купувачите станаа повнимателни и попрецизни, просечниот број на денови потребни за продажба на користен часовник се зголеми за 8 отсто од август, според податоците на „Сабдајл“.
Индексот на брендот „Ролекс“ падна за 1,5 отсто минатиот месец и сега е намален за 27 отсто од својот врв во април 2022 година, според податоците собрани од „Блумберг“ и „Сабдајл“. Индексот на цените на „Патек Филип“ падна за 2,3 отсто во октомври и сега е за 47 отсто понизок отколку во април 2022 година.
Иако цените на секундарниот пазар за часовниците на „Ролекс“ и „Патек“ се остро коригирани од нивниот поранешен врв, најбараните модели од двете марки сè уште се купуваат значајно над малопродажните цени.
Оваа вест е направена со помош на Bloomberg Automation
