Гастрономско тест-возење низ првиот „Тесла дајнер“ во Лос Анџелес

Првиот „Тесла дајнер“ во Лос Анџелес стана атракција, со редици од обожаватели и гурмани во потрага по ново искуство.

Првиот пат кога поминав покрај „Тесла дајнер“ само ѕирнав и продолжив. Не ми паѓаше на памет да застанам во редицата што се протегаше по должината на булеварот Санта Моника. Петок вечер во Лос Анџелес, жештина од сите страни.

И очекував дека ќе биде така. Маск ја најавуваше локацијата уште во 2018 година, а ресторанот се отвори минатата недела – во време кога „Тесла“ бележи најголем пад на приходите од 2012 наваму и се соочува со мрачни прогнози, додека Маск води битки на повеќе фронта. И покрај тоа, бренд вреден трилион долари никогаш не бил во поголем фокус: доаѓаат обожаватели од цела Америка, но и луѓе што протестираат.

Вториот пат бев подготвена – со шише вода и шешир. Беше понеделник навечер и знаев дека ќе треба да чекам долго за да го пробам менито на Ерик Гринспан, дипломец на кулинарската академија „Ле кордон блу“ („Le Cordon Bleu“) и мајстор за печени сендвичи.

Овој пат редицата беше пократка. Го паркирав мојот стар „ролс-ројс“ и поминав покрај 80 суперчарџери „тесла“  за да стигнам до објектот од метал и неон. Повеќето гости беа локалци.

Bloomberg

Масата луѓе го гледаа култното остварување „Ѕвездени патеки“ („Star Trek“) на големите екрани, ги полнеа своите возила и ја чекаа храната. Некои паметно порачаа однапред од своите автомобили, а ние другите моравме да чекаме.

Триесет минути подоцна, Гринспан и Фон Холцхаузен ме поканија внатре. Од отворањето, тие двајца речиси не си заминуваат од таму, постојано се меѓу гостите.

Bloomberg

Го пробавме класичното мени:

Бургер „тесла“ со лепче „мартинс“ – 13,50 долари
Тост-сендвич со сирење – 9 долари
Чили-компирчиња со сирење – 7 долари
Сосови како прилог – 4 долари
Тост-сендвич со туна – 14 долари
Кафе – 4 долари

 

Bloomberg

Гринспан користи локални состојки – месо од ЛА, домашно сирење и виршли од „Снап-О-Разо“ („Snap-O-Razzo“). „Дајнерите се важен дел од американската кулинарска традиција. Ми беше чест што ме повикаа да бидам дел од тоа“, додава тој.

Ресторанот не е совршен, редиците се долги, менито е ограничено, кутиите во форма на „сајбертрак“ исчезнаа, а чадорите на терасата беа отстранети по еден инцидент. Сепак, Гринспан останува голем оптимист.

Иако некои од сопствениците во САД ги вратија своите автомобили „тесла“ во знак на протест против политичките ставови на Маск, атмосферата во ресторанот беше поинаква – гостите изгледаа искрено задоволни и добро расположени.

Јас немам автомобил „тесла“, ниту пак чили-компирчињата се дел од моето секојдневно мени, но морам да признаам: се смеев додека се враќав кон мојот „силвер спур“ (Silver Spur), со остатокот од сендвичот спакуван во кутија.