.webp){kind=icon}
Маж од јужна Кина го чува во тајност својот џекпот од лотарија од 219 милиони јуани (30 милиони долари) од сопругата и детето, тврдејќи дека е загрижен дека добивката може да ги направи мрзеливи.
Човекот, идентификуван само како господин Ли, пошол сам во лотаријата во Нанинг, во јужниот регион Гуангџи, за да ја подигне својата награда, објави Nanning Evening News. Носел светло жолт костим кој му ја покривал главата на фотографиите на кои ја прима наградата.
„Не им кажав на мојата сопруга и на детето од страв дека премногу ќе се опуштат и нема да работат напорно во иднина“, изјави тој за весникот минатата недела.
Во меѓувреме, донирал пет милиони јуани во добротворни цели и вели дека не одлучил што да прави со останатите. По оданочувањето на добивката господин Ли остварил заработка од околу 171,6 милиони јуани.
Човекот добитното ливче го купил во продавница во Литанг, град со околу 120.000 жители источно од регионалниот главен град Нанинг, пишува Nanning Evening News. Еден ден откако сфатил дека победил, со автомобил се упатил кон поголемиот град за да го покаже билетот во седиштето на лотаријата.
„Седев само во хотел затоа што се плашев да излезам за да не го загубам ливчето“, објасни тој.
Кинеската централна влада организира игри на среќа за да собере пари за социјална помош и спорт. Играчите во Гуангџи избираат шест броеви на црвени и еден на сино топче. Човекот рече дека неговите победнички бројки кои ги играл години наназад биле 2, 15, 19, 26, 27, 29 и 2.
