.webp){kind=icon}
Продажбата на часовници во Кина месецов закрепна по падот од 50 отсто забележан во декември минатата година, предизвикан од карантинот и скокот на инфекции со ковид-19, објави „Своч груп“ (Swatch Group).
Поради ситуацијата во Кина, компанијата забележа пад на приходите од 700 милиони евра и раст на заработката побавен од очекуваниот, со оперативен профит од 13 отсто. „Приходите годинава би можеле да достигнат рекордни девет милијарди евра“, изјави извршниот директор на „Своч груп“, Ник Хајек.
Продажбата на часовниците „своч“ во Кина, инаку еден од стратегиските пазари на компанијата, падна во четвртиот квартал поради карантинот, а потоа и поради големиот бран со инфекции од ковид-19, по олабавувањето на строгите антиепидемиски мерки. „Своч“ објави нето-продажба од 7,5 милијарди евра, што е зголемување од 4,6 отсто во споредба со претходната година. Прогнозите на аналитичарите укажуваа на очекувана нето-продажба од 7,73 милијарди франци, или 7,72 милијарди евра.
Прочитај повеќе
„Ролекс“ ќе издава сертификати за половни часовници од своето производство
„Ролекс“ ќе започне со издавање сертификати за автентичност на овластени продавници што препродаваат половни часовници од овој бренд.
01.12.2022
„Ролекс“ вторпат годинава ги поскапува часовниците во Европа
Луксузниот производител ги зголеми малопродажните цени на своите часовници во Европа по вторпат годинава, особено поради силниот американски долар.
04.11.2022
Листа на најдобри часовници за подарок, кои не се „ролекс“ или „патек“
Да се купи часовник како подарок не е лесна задача. Што ќе одговара на вкусот на вашата сакана личност? Кој е најквалитетен?
01.01.2023
