Сите имаме периоди кога се натрупува ѓубре, и не мислам само на мејловите. Статистиката вели дека во просечниот американски дом има 300.000 предмети. Време е за пролетно чистење? Не знаете од каде да почнете? Консултирајте се со методот на веројатно најпознатиот гуру за чистење или уште подобро: почнете да заработувате пари од ѓубре како еден од неговите многубројни консултанти. Мари Кондо, јапонска авторка и консултантка, стана глобален феномен со нејзиниот револуционерен пристап во чистењето и организирањето на домот, кој ѝ донесе не само светска слава туку и приход од околу осум милиони долари.
Во бестселерот од 11 милиони примероци „Магијата што го менува животот на средувањето“, Кондо го претставува својот уникатен метод „Кон Мари“, кој ги охрабрува поединците да ги задржат само работите што „донесуваат радост“ и да се ослободат од оние што не го прават тоа.
Depositphotos
Книгата, како и популарната серија на „Нетфликс“, стана културен феномен, инспирирајќи милиони луѓе да го преиспитаат својот однос кон материјалните нешта. Терминот „волшебен“, кој не мора да оди со чистење на куќата, се однесува на потенцијалното трансформирачко влијание на уредувањето и организацијата во домот, начинот на размислување и општата благосостојба. Со ефективен бизнис-модел, таа го издигна тоа на ранг на филозофија на живеење, која ги повикува луѓето да се свртат кон работите што навистина ги сакаат и вреднуваат, што потенцијално може да доведе до позитивни промени во животот на поединецот.
За неа, која почнала да работи како консултантка за чистење кога имала само 19 години, дефинитивно е. Таа на својата веб-страница нуди едукативен пакет за сите оние што сакаат да станат консултанти и да работат по нејзин метод (курсот чини 500 долари), а исто така и онлајн продавница со „работи што ги сака Мари“, од украсни предмети за домот, јапонски јадења до практични предмети што овозможуваат полесно чистење и организација.
Дали животот навистина започнува кога ќе го средите домот?
„Вистинската цел на расчистувањето не е да се намали бројот на работи или да се организира просторот“, наведува Кондо на официјалната страница. „Крајната цел е да се буди радост секој ден. Таа цел - таа внатрешна цел - може да води кон сè што правиме и се протега надвор од домот“. Таа го нарекува тоа „кураши“, кое едноставно би се превело како „идеален начин на кој го поминувате времето“. Всушност, станува збор за фокусирање на она што е вредно и моќ да се процени што навистина вреди или што не вреди да се задржи во животот. Тоа, како што смета таа, го продлабочува нашиот однос кон работите што се навистина скапоцени и кои ни носат радост.
„И на организациите им треба пролетно чистење“, смета колумнистот на „Блумберг опинион“ Адријан Вулдриџ, кој наведува дека нередот е природен дел од работниот живот, како и од приватниот живот, и дека на секоја организација ѝ е потребно средување „а ла Мари Кондо“. Менаџерските хиерархии се множат. Состаноците се множат. Белешките стануваат подолги.
Depositphotos
Тој ги наведува и резултатите од онлајн анкетата спроведена меѓу 7.000 читатели на „Харвард бизнис ривју“ (Harvard Business Review) како дел од студијата за сложеноста на бирократијата, каде што просечниот учесник работел во организација со шест или повеќе нивоа. Во големите организации (со повеќе од 5.000 вработени) имаше осум нивоа над работниците од првата линија. Вработените пријавиле дека трошат во просек 27 отсто од своето време за извршување бирократски задачи како што се пишување извештаи или поднесување документи.
Еве како „кураши“ може да помогне да се реши менаџерскиот неред:
Категоризација: Методот се заснова на распоредување на работите по категории, а не по соби. Тоа значи дека слични предмети се собираат и гледаат заедно, што го олеснува донесувањето одлуки за тоа што да се задржи. Слично на тоа, организирајте ги работните места, задачите или проектите по категории наместо да ги распоредувате според хиерархиска структура.
Редослед на уредување: Кондо предлага одреден редослед на уредување: облека, книги, хартии, (разни работи) и предмети од емотивно значење. Оваа низа помага постепено да се зголемат вештините за донесување одлуки. Следете го редоследот на сортирање што ги одразува вашите деловни потреби. На пример, започнете со средување на рутинските или често повторливи процеси пред да преминете на посложени области. „Дали е ова вредно?“ Клучното прашање што го поставува таа за време на процесот на подобрување на домот е: „Дали тоа носи радост?“ Доколку некој предмет не носи радост, се препорачува да се ослободите од него, без оглед на тоа што има практична или сентиментална вредност. Со други зборови, дали сите тие состаноци во календарот се навистина неопходни? Кои се навистина вредни? На кој проблем треба да се фокусираме што потенцијално може да донесе најголема корист? На пример, во обид да се зголеми ефикасноста, извршниот директор на „Дропбокс“ (Dropbox), Дру Хјустон, еднаш ги откажа повеќето од редовните состаноци на вработените од календарот и забрани додавање нови состаноци за две недели.
Редење облека: Кондо стана позната по посебниот начин на уредување на облеката, кој овозможува секое парче да биде јасно видено и чувано во плакарот. Можете да ги примените принципите на ефикасно складирање во управувањето со ресурсите. Размислете како да организирате информации, документација или дигитални ресурси за да ги подобрите пристапноста и ефикасноста.
Depositphotos
Сè е до моментот: Важен дел од процесот на чистење е, се разбира освен одлучноста, да одредите време за овој процес, но кога го планирате, треба да го правите постојано, односно без одложување или прекршувајќи го по фази, без оглед на временскиот период на кој се однесува планот. И да, исто како дома, одржувајте го тој ред откако ќе го воспоставите, што е и најголемиот предизвик.
.webp){kind=icon}
