По Лондон, Дубаи, Крит и уште неколку други светски дестинации, познатиот бренд на современа јапонска кујна „Сумосан“ пристигна и во регионот Адрија.
Конкретно, тој се наоѓа во рамките на луксузниот комплекс „Дакли гарденс“, на полуостровот Завала, помеѓу Бечиќи и Будва во Црна Гора.
Во приложеното видео, Марко Алексиќ, директор за развој на бизнисот за „Дакли“, вели дека нивната деловна стратегија, меѓу другото, е да доведат познати светски угостителски брендови како во самиот ресорт така и во регионот, вклучувајќи го и Белград.
Dukley
Тој исто така вели и дека во конкретниот случај развојот на проектот не бил без предизвици, пред сѐ поради специфичните состојки што се користат за јадењата од глобалното мени на „Сумосан“, а кои не може да се набават во регионот.
„Менито на овој бренд мора да биде 80 проценти исто на сите дестинации, па затоа на развојот на концептот во Будва неколку месеци работеше главниот шеф на кујната Бубкер Белхит, кој е на таа позиција две децении, од самиот почеток на ’Сумосан’“, вели Алексиќ.
Менито, покрај тоа што претставува рај за суши, со најсвежи морски плодови приготвени како суши, сашими, фламбирани или печени, ги комбинира традиционалните со смели модерни јапонски вкусови. Некои од најпознатите јадења вклучуваат класична салата од јастог „Сумосан“ и зачинет црн бакалар мариниран во мисо 24 часа, а за љубителите на слатко има и други класици „Сумосан“, како што се ананас со бело чоколадо, чоколаден фондан „Сумосан“ и Павлова торта со манго и маракуја. Алексиќ особено ги истакнува ролничките „Албемарл“, кои го добиле името по првиот ресторан „Сумосан“, кој е отворен на истоимената улица во центарот на Лондон.
Dukley
Потоа, она што е карактеристично за „Сумосан“ е самата атмосфера, за која во другите светски ресторани главно се задолжени диџеи, но црногорскиот има и дополнителен квалитет.
Имено, тој се наоѓа веднаш на морскиот брег и го комбинира концептот на бар на плажа прекуден и софистициран ресторан навечер.
Иако е сезонски, Алексиќ вели дека „Сумосан“ во рамките на „Дакли“ веќе е препознаен како идеално место за свадби и други приватни и деловни настани надвор од главната сезона, што значително помага за продолжување на сезоната и за подобри резултати.
.webp){kind=icon}
Во моментов нема коментари за веста. Биди прв да коментира...