Нов рекорд на продажбата на луксузни имоти во Дубаи пред царините на Трамп

Бумот на луксузниот пазар во Дубаи продолжи и во првиот квартал, при што богатите купувачи одново доведоа до рекордна продажба на домови во вредност поголема од 10 милиони долари.

Според истражувањата на „Најт Френк“ (Knight Frank), во првите три месеци од 2025 година се продадени 111 дома со вкупна вредност од 1,9 милијарда долари, што е зголемување од 5,7 проценти во однос на истиот период минатата година. Во извештајот на брокерската куќа се посочува дека во првото тримесечје биле реализирани 12 продажби на домови во вредност од најмалку 25 милиони долари.

Скокот на продажбата покажува дека пазарот на недвижности во Дубаи продолжи да бележи зголемена побарувачка во месеците пред турбуленцијата на глобалниот пазар во април, откако претседателот Доналд Трамп објави огромни глобални царини.

Аналитичарите предупредија дека секторот на недвижности во Дубаи се соочува со повеќе ризици во иднина. Поединци со висока нето-вредност од целиот свет би можеле да се повлечат во услови на пазарна неизвесност. Падот на цените на нафтата исто така може да предизвика забавување на економиите во Заливот.

„Бројките за првиот квартал го одразуваат континуираниот апетит од тие што бараат единствени трофејни домови“, рече Фајсал Дурани, раководител на истражување за Блискиот Исток во „Најт Френк“. Сепак, Дурани рече дека постои ризик неодамнешниот пресврт во глобалните средства да влијае на недвижностите во Дубаи.

„Прерано е да се каже, но една од работите на кои треба да внимаваме е расположението“, рече Дурани. „Секогаш постои ризик од зараза, од негативно расположение, што е нешто што не може интерно да се контролира“.

Побарувачката за имоти во Дубаи расте од 2020 година бидејќи владиното справување со пандемијата и нејзините либерални визни политики привлекоа голем број странски купувачи. Луксузниот дел од пазарот на недвижности во Емиратите - вклучувајќи ги и вилите на брегот на вештачките острови во градот во форма на палма - има корист од приливот на богати иселеници.

Во првиот квартал вештачкиот остров Палм Џумеира остана една од најпопуларните локации, забележувајќи 34 трансакции на домови по цена од над 10 милиони долари во вкупна вредност од 562,8 милиони долари, велат од „Најт Френк“. Списоците на луксузни домови драстично се намалија минатата година, со 48 отсто пад на бројот на имоти проценети на повеќе од 50 милиони дирхами (13,6 милиони долари) во понудата.

Дурани рече дека влијанието на царините врз синџирите на снабдување за суровините што се користат во градежништвото е уште една област што загрижува.

 

Во моментов нема коментари за веста. Биди прв да коментира...

Остави коментар