Рекорден почеток: Новиот „Супермен“ заработи 217 милиони долари глобално

„Супермен“, првиот филм од новиот менаџерски тим на „Ди-Си Студиос“ на „Ворнер Брос“, ја отвори својата кино-сезона на прво место во САД и Канада, со заработка од 122 милиони долари.

Во најновото толкување на приказната за суперхеројот глумат Дејвид Коренсвет во главната улога и Николас Холт како негативецот Лекс Лутор, кој се обидува да го уништи човекот од челик. Според проценката на аналитичарите на „Бокс Офис Про“, филмот се очекуваше да заработи најмалку 115 милиони долари на домашен терен. „Ворнер Брос“ во неделата изјави дека филмот заработил 217 милиони долари низ целиот свет.

„Супермен“ е првиот дел од 10-годишниот план за поврзување на филмови и ТВ серии базирани на ликовите од „Ди-Си Комикс“, како што се Бетмен и Вондервоман. Стратегијата ја осмислија претседателот на „Ди-Си Студиос“, Џејмс Ган, кој го напиша и режираше новиот филм, и Питер Сафран.

Сопственикот на „Ди-Си“, „Ворнер Брос Дисковери“ (Warner Bros. Discovery Inc.) ги именуваше Ган и Сафран за главни извршни директори на студиото во ноември 2022 година, како одговор на доминацијата на „Марвел Студиос“ (Marvel Studios) на „Волт Дизни“ (Walt Disney Co). Во текот на изминатите две децении, „Марвел“ изгради импресивен кинематографски универзум со ликови како Ајрон мен (Iron Man) и Блек Пантер (Black Panther), кои заработија 31,8 милијарди долари на глобалните бокс-офис и поставија бројни рекорди.

Продажбата на билети за Супермен е уште една победа за „Ворнер Брос“ на бокс-офисот, откако компанијата оствари силен втор квартал благодарение на хитовите како „Еј Мајнеркрафт муви“ (A Minecraft Movie) и „Синерс“ (Sinners), по период на послаби резултати.

Пред викендот, продажбата на бокс-офисот во САД и Канада се зголеми за 14 проценти во однос на претходната година. Меѓу филмовите со најголема заработка беа „Лалјо и Стич“ (Lilo & Stitch) на „Дизнис“, „Џурасик ворлд рибирт“ (Jurassic World Rebirth) на „Јуниверзал пикчрс“ (Universal Pictures) и „Мишн импосибл – Фолаут“ (Mission: Impossible – Fallout) на „Парамаунт“  (Paramount Global).

Во продолжението на летната сезона се очекуваат премиерите на филмовите „Фантатстик фор“ (The Fantastic Four: First Steps) на „Марвел“, „Смарфс“ на „Парамаунт“ и „Фрикиер фрајдеј“ на „Дизни“.

 

Во моментов нема коментари за веста. Биди прв да коментира...

Остави коментар