.webp){kind=icon}
Тајланд ќе започне да издава едногодишни визи за луѓето кои бараат медицински третман, бидејќи оваа земја од Југоисточна Азија се позиционираше како глобален центар за здравствен туризам во ерата по пандемијата.
Владата во вторникот го одобри предлогот за намалување на таксата за таквите визи на 5.000 бати (140 долари), се вели во соопштението. Новите дозволи ќе се издаваат од 1 јануари.
Медицинските визи ќе им овозможат на странските пациенти да доаѓаат и заминуваат од Тајланд, а ќе им дозволат и подолг престој од сегашните, најмногу 90 дена дена, соопшти Владата. Апликантите ќе треба да приложат докази за закажан преглед во болница, здравствено осигурување и доказ за соодветно финансирање за лекувањето кое покрива најмалку 800.000 бати.
Тајланд се обидува да привлече повеќе странски посетители во ерата по Ковид, промовирајќи се како медицинска дестинација од светска класа, со болнички оператори како што се Bangkok Dusit Medical Services Pcl и Bumrungrad Hospital Pcl.
Втората по големина економија во Југоисточна Азија, исто така, се надева на закрепнување на туристичката индустрија за да го поттикне растот следната година, објави Банката на Тајланд оваа недела. Земјата забележа зголемување на бројот на странски туристи над очекувањата откако владата ги укина повеќето ограничувања за патување.
Медицинските визи ќе бидат ограничени на пациенти на кои им треба континуиран третман повеќе од 90 дена, а болниците ќе треба да обезбедат специфичен план за лекување и трошоци за апликантите. Кандидатите можат да побараат продолжување за повеќе од една година само доколку достават лекарски уверенија.
Лекувањето за кардиоваскуларни болести, рак, трансплантација на органи, анти-стареењето и естетската хирургија би можело да се квалификува за новите визи, најави владата.
