Евробаскет 2025, кој се игра во Летонија, Кипар, Финска и Полска, наместо класичното прашање за фаворити, во прв план го истакнува својот ѕвезден потенцијал и финансиската моќ на играчите на теренот. Тројца од петте најплатени кошаркари во светот – Јанис Адетокумбо, Лука Дончиќ и Никола Јокиќ – го претвораат турнирот во бизнис спектакл, а не само во спортско натпреварување.
Бројките се импресивни. Трите најголеми ѕвезди на турнирот, Адетокумбо, Дончиќ и Јокиќ, заедно годишно заработуваат повеќе од 210 милиони долари. Јанис предводи со речиси 95 милиони долари, Дончиќ има 58,5 милиони, а Јокиќ 57,6 милиони. И тоа не е се – зад нив следи цела плејада на стартери од НБА чији поединечни приходи за сезоната 2025/26 надминуваат 20 или 30 милиони долари.
Грција, Словенија и Србија влегуваат во турнирот со играчи кои не се само најплатени, туку и маркетиншки највредни амбасадори на НБА лигата. Јанис Адетокумбо на Грција ѝ носи статус на двократен МВП и втор најплатен кошаркар во светот. Лука Дончиќ е лицето на генерацијата и клучната причина зошто Далас Маверикс некогаш бележеле рекордни ТВ рејтинзи во Европа. Никола Јокиќ, со три МВП титули, е вистински симбол на тоа што балканската кошарка може да произведе.
Прочитај повеќе
НБА ја засилува европската офанзива, ангажира клучен сојузник од Волстрит
НБА-лигата е решена да реализира амбициозен проект за почнување ново големо европско кошаркарско натпреварување. Во тој потфат клучна улога ќе има „ЏП Морган“, една од најголемите глобални банки, како нов стратешки партнер на лигата.
08.08.2025
Никола Јокиќ го одложи продолжувањето на договорот со Денвер Нагетс
Тој моментално има право да потпише тригодишно продолжување на договорот во вредност од 212 милиони долари, но ако почека до летото 2026 година, би можел да потпише четиригодишен договор во вредност од околу 293 милиони долари.
09.07.2025
Дали конкурентноста го уби гламурот на американскиот спорт
Оклахома и Индијана донесоа нова шампионска крв, но по цена на гледаноста.
02.07.2025
„Њу Баланс“ ќе ја освојува и кошарката преку колеџ-ѕвезда
Спортскиот бренд „Њу Баланс“ препознатлив по патиките за трчање, сака да ја освои и кошарката.
30.06.2025
Нов сопственик, нова ера - Лука Дончиќ пред историски договор
Во игра се неколку опции, а словенечкиот репрезентативец не може да склучи нов договор пред 2 август.
27.06.2025
Колку вредат НБА-тимовите и кој може да ги плати?
Вредностите на НБА-франшизите достигнаа историски висини, а последниот пример стигнува од Портланд, каде што екипата Треил блејзерс официјално е ставена на продажба како наследство од Пол Ален, коосновачот на „Мајкрософт“.
20.05.2025
Како преживува Далас по заминувањето на Дончиќ
Локално спортско радио беше преплавено со гневни приказни и коментари, а навивачите одржаа лажен погреб за франшизата пред седиштето на тимот во ААЦ (American Airlines Center).
16.04.2025
Документарец на „Нетфликс“ за кошаркарското славење на Србија во Париз
Документарецот дава и широк преглед на самите Олимписки игри.
26.02.2025
За ФИБА, тоа што има тројца вакви играчи во составите значи моментално зголемување на комерцијалната вредност на турнирот: од продажба на ТВ права и спонзорски договори до полни арени во Рига, Лимасол, Тампере и Катовице.
Германија, Финска и Турција – новата низа на богати договори
По големата тројка следуваат млади ѕвезди и новото богатство од НБА договори. Лаури Марканен, кој доаѓа во Финска со договор вреден 46,4 милиони долари за следната сезона, претставува лице на новата скандинавска кошарка. Германскиот тандем Франц Вагнер (38,6 милиони) и Денис Шредер (14,1 милиони) ја брани титулата европски првак, додека Алперен Шенгун, чудо од центар од Турција, влегува во турнирот со гарантирани 33,9 милиони долари.
Кристапс Порзингис (30,7 милиони) ја предводи Летонија, што значи дека домашната публика во Рига ќе гледа еден од најскапите европски играчи на сите времиња.
Нуркиќ и Вучевиќ во друштво на милионери
За регионот е особено важно што меѓу 10-те најплатени играчи на Евробаскет влегува и Јусуф Нуркиќ. Центарот на Финикс Санси има договор од 19,38 милиони долари и со тоа е далеку најплатен играч од БиХ. Во групата Ц, каде БиХ игра со Грција, Шпанија и Естонија, Нуркиќ ќе биде и најголемо име по заработка, зад Јанис и Шпанецот Санти Алдама (18,5).
Црна Гора настапува со Никола Вучевиќ (21,5), додека Србија покрај Јокиќ го има и Богдан Богдановиќ (16). Тоа јасно покажува како регионот, и покрај скромното пазарно окружување, и натаму произведува НБА суперѕвезди кои се на самиот врв на глобалната заработка.
Плати како индикатор на пазарната моќ
Кога ќе се погледне листата на најплатени, јасно е дека Евробаскет повеќе не е само прашање на континентален престиж. Тој е огледало на глобалниот пазар. НБА платите од 30 или 40 милиони долари се вообичаени меѓу водечките имиња на турнирот, а спонзорските договори на Јанис и Дончиќ, кои им носат дополнителни 15 до 45 милиони годишно, покажуваат колку е силна синергијата помеѓу спортот и брендовите.
ФИБА на овој турнир има и можност да го капитализира тој моментум – салите се полни, преносите се бесплатни или поевтини во многу земји, а најавата за можни НБА натпревари во Европа дополнително го зголемува интересот.
Отсуства и реалност на турнирот
И покрај рекордните суми, турнирот ќе биде лишен од некои звучни имиња. Виктор Вембанјаме, Руди Гобер и Домантас Сабонис нема да играат, што во одредена мера ја намалува вкупната маркетиншка привлечност. Но, останува фактот дека Евробаскет 2025 собира повеќе суперѕвезди според заработката отколку било кое континентално натпреварување досега.
Евробаскет 2025 е повеќе од кошаркарски турнир. Тоа е бизнис сцена на која се огледува глобалната моќ на НБА платите и спонзорствата. За ФИБА и спонзорите, прашањето кој ќе го подигне трофејот станува речиси секундарно. Прво е колку милиони вредат играчите на теренот, колку гледачи и спонзори можат да привлечат и колку европската кошарка во годините по турнирот ќе може да капитализира од ваквите луксузни состави.
.webp){kind=icon}
