Бесент остро до технолошките гиганти: Не им објаснивте добро на луѓето што е вештачката интелигенција

Министерот за финансии Скот Бесент остро ги критикуваше американските технолошки компании кои ги зголемуваат инвестициите во вештачка интелигенција (ВИ), поради  тоа што не успеале да изградат врски со заедниците во услови на зголемен јавен притисок и загриженост околу влијанието на податочните центри врз екологијата и трошоците за живот.

„Индустријата заврши ужасна работа, ужасна работа во објаснувањето на своите активности“, рече Бесент во среда. Индустријата за ВИ, заедно со владата, има одговорност „да ѝ објасни на американската јавност како ова им користи и на двете страни од гледна точка на употреба, на национална безбедност, на квалитет на живот“, рече тој.

Бесент истакна дека некои „надворешни гласови“ во корист на податочните центри сега се спротивставуваат на напорите за ограничување на нивната изградба. „Ова е иновативна изградба и може да биде долг, долг циклус тука за луѓето кои работат во сите области поврзани со оваа инфраструктура“, рече тој на настан во Шарлот Економскиот клуб во Северна Каролина.

Jason Alden/Bloomberg

 

„Тие беа глуви за заедниците и засегнатите страни“, рече Бесент за компаниите, без да ги наведе по име. „Бев познат по тоа што сум строг оценувач, но би им дал, едвај двојка“.

Трошењето за ВИ, а особено изградбата на центри за податоци, придонесе за притисоците врз цените, почнувајќи од трошоците за комунални услуги до меморијата со висок пропусен опсег што се користи во многу производи за потрошувачка електроника.

Конкуренција од Кина

Бесент го повтори и својот став дека, благодарение на инвестициите во ВИ, САД се „на прагот“ на голем бум на продуктивност. Во вторник, тој прогнозираше дека порастот на капиталните трошоци за ВИ ќе се покаже како „екстремно дезинфлаторен“. Тој исто така рече „претпоставувам дека во следните шест месеци ќе почнеме да ги гледаме придобивките од тоа“.

Шефот на американскиот трезор, исто така, истакна дека „Кинезите се веднаш зад нас“ во однос на ВИ. „Ако напредуваат, сè друго што правиме нема да биде важно“, рече тој, бидејќи тие „ќе можат да хакираат сè“. Сепак, тој беше оптимист за конкурентската позиција на САД. Минатата година, земјата имаше 55 до 60 отсто од глобалната компјутерска моќ, рече тој, предвидувајќи дека „до 2028 година ќе имаме 80 отсто.“

Забелешките од среда за комуникациските стратегии го означија најновото критикување на Бесент кон индустријата, откако минатиот месец посочи дека хиперскалерите продаваат обврзници на погрешен дел од таканаречената крива на принос. Учесниците на пазарот рекоа дека издавањето на корпоративен долг е еден фактор што ги поттикнува приносите на американските државни обврзници да растат - а со тоа ги одржува високите каматните стапки на хипотекарните кредити.

„Да седев на местото на главен финансиски директор, ќе размислував за издавање во поголем дел на петгодишни хартии од вредност, рече тој минатиот месец. Претходно во август, матичната компанија на „Гугл“, “Алфабет“, продаде хартии од вредност во вредност од 25 милијарди долари со рок на достасување од 2 до 40 години.