Лажното месо е во проблеми. Продажбата на хамбургери на база на растително потекло опаѓа исто како и великодушноста на инвеститорите, а акциите на главниот играч во оваа индустрија „Бијонд мит“ (Beyond Meat Inc) паднаа.
Сепак, верниците во производите што можат да ги заменат животинските протеини и да помогнат во спасувањето на планетата се соочуваат со темелни промени. „Тоа значи подобри состојки што нудат привлечна текстура, вкус и арома, но и такви што бараат помалку обработка, енергија и ресурси“, смета Коста Јанулис, партнер во „Синтезис капитал“ (Synthesis Capital), фонд за ризичен капитал.
Појдовната точка за овој пристап со месо и компири е скромен грашок или грав, а развиен е со помош на биолошки алгоритам и прецизно одгледување за создавање вкусни хранливи производи со висок удел на протеини. За таа цел, лондонскиот фонд „Синтезис капитал“ водеше рунда финансирања од 35 милиони долари за израелскиот стартап „Еквином“ (Equinom), кој идентификува генетски модифицирани сорти на семиња што не бараат преработка и додатоци, кои долго ги расипуваа алтернативите на месото.
„Генетската разновидност нуди многу решенија. Кога ќе почнете со висококвалитетен грав, веднаш ќе почнете да ги елиминирате сите други производи што бараат обработка, а кои индустријата ги разви во текот на многу години, за да ги надвладее семињата со лош квалитет и да создаде висококвалитетни состојки“, рече во интервју Гил Шалев, коосновач и главен извршен директор на „Еквином“.
Кругот на финансирање, кој вклучува инвеститори, како што се „Бунге“ (Bunge Ltd), „Бејва“ (BayWa) и „ЦПТ капитал“ (CPT Capital), го доведоа вкупното финансирање на „Еквином“ на над 71 милион долари. Парите ќе се користат за комерцијализација и развој на технолошката платформа на компанијата. Тие веќе ја дооформуваат соработката со мултинационалните доставувачи на состојки за преработка, кои своите протеини ќе им ги продаваат на прехранбените компании.
„Еквином“ штотуку ја заврши жетвата на грашокот и сојата во Северна Америка и неколку компании веќе се на пат да ги додадат тие состојки во своите прехранбени производи до крајот на следната година. „Исто така, има активни програми за одгледување уште неколку производи, кои ќе бидат достапни за продажба за две години“, информира Шалев.
„Почнете со гравот што има протеини и потребно ниво на квалитет. И тогаш ќе имате можност да внесете разновидност во прехранбениот состав, за разлика од начините на кои е воспоставен синџирот за снабдување денес“, рече Шалев.
.webp){kind=icon}
